नांदेड : कांग्रेसचे आमदार रावसाहेब अंतापूरकर यांच्या निधनाने रिक्त झालेल्या देगलूर-बिलोली विधासभा पोट निवडणूकीची उद्या मतमोजणी होणार आहे. देगलूर च्या पंचायत समितीच्या सभागृहात मत मोजणीला सकाळी आठ वाजता सुरुवात होणार आहे.

हे देखील पहा :

पालकमंत्री अशोक चव्हाण यांनी ही निवडणूक प्रतिष्ठेची केली होती. त्यामुळे संपूर्ण राज्याचे निवडणूक निकालाकडे लक्ष लागले आहे. कांग्रेस चे जितेश अंतापूरकर, भाजपचे सुभाष साबणे, वंचितचे डॉ.उत्तम इंगोले या तीन प्रमुख उमेदवारांसह 12 उमेदवार निवडणूक रिंगणात आहेत.

30 ऑक्टोबर रोजी तीन लाख मतदारांपैकी 63.94 टक्के मतदान झाले. या निवडणुकीत भाजपने ही तगडी प्रचार यंत्रणा उभारुन निवडणुकीत चांगलीच चुरस निर्माण केली. आता कोण बाजी मारणार याकडे मतदारांत प्रचंड उत्सुकता निर्माण झाली आहे.

Edited By : Krushnarav Sathe