नागपूर : भाजपच्या अल्पसंख्यांक मोर्चाचे राष्ट्रीय अध्यक्ष जमाल सिद्धीकी (Jamal Siddiqui) यांना जिवे मारण्याची धमकी दिल्याची माहिती समोर आली आहे. सिद्धीकी यांना ही धमकी एका पत्राद्वारे देण्यात आली असून त्यांना आलेल्या धमकीच्या एकच खळबळ उडाली आहे.

हे धमकीचं पत्र (Letter of Threat) जमाल सिद्धीकी यांच्या कार्यालयात पाठवण्यात आलं आहे. घटनेचे गांभीर्य लक्षात घेता सिद्धीकी यांनी सक्करदरा पोलीस स्टेशन (Sakkardara Police Station) येथे तक्रार दाखल केली आहे.

शिवाय जमाल सिद्धीकी आरएसएसच्या (RSS) गुरुपुजन कार्यक्रमात सहभागी झाल्यानंतर त्यांना हे धमकीचं पत्र आल्याची माहिती समोर आली आहे. दरम्यान, धमकीच्या पत्रात जमाल सिद्धीकी संघाच्या कार्यक्रमात असल्याचे फोटो देखील आहेत. शिवाय हे पत्र कोणी पाठवले आणि ते कोठून पाठवले याचा शोध पोलिस घेत आहेत.