हिंगोली : पर्यावरण व मानवजातीसाठी अत्यंत घातक ठरलेल्या चायनीज मांजाने हिंगोलीत एका पांढऱ्याशुभ्र बदकाचा जीव घेतला (Death) आहे. हिंगोली (Hingoli) शहरातील मंगळवार बाजार भागात ही घटना घडली असून, मांज्याने जखमी झालेला बदक आकाशातून जमिनीवर पडला व दोन तास तडफडत राहिला.

हे देखील पहा :

दरम्यान, परिसरातील काही नागरिकांचे या तडफडणाऱ्या बदकाकडे लक्ष गेले व याची माहिती तातडीने पक्षीमित्र विजयराज पाटील व वन्यजीव संरक्षक श्रीधर कंदी यांना देण्यात आली. डॉक्टरांच्या (Doctor) मदतीने त्यांनी या बदकावर उपचार (Treatment) देखील केले.

मात्र, चायनीज मांज्याने (Chinese Manja) या बदकाचे डावे पंख पूर्णपणे कापले गेले होते. त्याच्या मानेवर देखील प्रचंड इजा झाली होती. त्यामुळे दोन तास मृत्यूशी झुंज देणाऱ्या बदकाने अखेर प्राणी मित्राच्या हातावरच आपले प्राण सोडले. या घटनेने मांजावर बंदी असताना देखील त्याचा सर्रासपणे वापर होत असल्याचे अधोरेखित झाले आहे. त्यामुळे मांजाची विक्री व वापर करणाऱ्यांविरोधात कार्यवाही करण्याची मागणी प्राणिमित्र संजय नाकाडे यांनी केली आहे.

Edited By : Krushnarav Sathe