खेड : जमिनीच्या वादावरुन चुलत भावाने मित्रांच्या मदतीने धारदार हत्याराने वार करुन चुलत भावाची निर्घृण हत्या करत मृतदेह चास-कमान धरणाच्या डाव्या कालव्यात फेकुन दिल्याची धक्कादायक घटना खेड तालुक्यात घडली आहे. राहुल मोहिते असे खून झालेल्या तरुणाचे नाव असून राहुल हा पुर्वीचा सराईत गुन्हेगार आहे.

राहुल मोहिते हा चुलता आणि चुलत भाऊ यांच्याबरोबर जमिनीवरुन नेहमी वाद करत होता. या वादाचा राग मनात धरुन शंकर मोहिते आणि सचिन मोहिते यांनी मित्रांच्या मदतीने राहुल मोहिते याच्या खुनाचा कट रचला आणि त्याच्यावर धारदार हत्याराने डोक्यात, पाठीत, तोंड, गळ्यावर आणि हातावर वार करुन निर्घृणपणे खून केला आणि मृतदेह कालव्यात फेकुन दिला. या हत्येचा तपास करत राजगुरुनगर पोलीसांनी तीन आरोपींना ताब्यात घेतले आहे.

सराईत गुन्हेगार राहुल मोहिते यांच्या खुनाचा गुन्हा राजगुरुनगर पोलीसांनी तपास करत तिघांना अटक केली आहे. या कारवाईत पोलीस निरिक्षक सतिष गुरव, पोलीस हवालदार, स्वप्निल गाढवे, निखील गिरीगोसावी, सचिन जीतकर, शेखर भोईर कारवाई केली.

Edited By : Krushnarav Sathe