Boisar Cricket Player Car Accident In Palghar :

क्रिकेट क्रीडा स्पर्धेसाठी जाणाऱ्या युवकांच्या कारचा भीषण अपघात झालाय. पालघरमध्ये बोईसरजवळ हा अपघात झालाय. गिरनोळी चहाडे नाका रस्त्यावर करवेले जवळ भरधाव कारचा अपघात झाला. या कारमधून प्रवास करणारे युवक हे क्रिकेट क्रीडा स्पर्धा खेळण्यासाठी जात होते. या अपघातात दोघांचा जागीच मृत्यू झाला तर ४ जण गंभीर जखमी झाले आहेत. जखमी युवकांवर अधिकारी लाइफ लाइन्स या खासगी रुग्णालयात उपचार सुरू आहेत. धोकादायक वळणावर भरधाव कारवरील वाहन चालकाच नियंत्रण सुटल्याने कारने ३ ते ४ पलटी मारल्या. (Latest News)

खडे चुकवण्याच्या नादात अपघात

खड्डे चुकण्याचा अंदाज न आल्याने झालेल्या भीषण अपघातात दोन तरुणांचा मृत्यू झाला आहे. चहाडे- गुंदले रस्त्यावर गरवाशेत येथे नियंत्रण सुटल्याने टायर फुटून कार पलटी झाली. यात चंद्रकांत जगदिश पाटील (वय ४०) आणि ऊत्कर्ष किशोर राऊत ( २७) (राहणार भादवे)या दोघांचा मृत्यू झाला.तर चार जण गंभीर जखमी झालेत. जखमी मयूर वैद्य, धीरज यांना बेटेगाव येथील खासगी रुग्णालयात दाखल करण्यात आले आहे.

परवाच्या दिवशी झाला होता अपघात

बोईसर- चिल्हार रस्त्यावरील गुंदले येथील दोन बंगला येथील क्रॉसिंगवर एक कार आणि एका दुचाकीचा अपघात झाला. हा अपघात शुक्रवारी संध्याकाळी (ता ०२) झाला होता. भरधाव जीपने अचानक वळण घेणार्‍या दुचाकीला धडक दिली होती. या अपघातात ३ जण गंभीर जखमी झाले होते. त्यापैकी बाळू हेमाडा यांचा वलसाड येथील रुग्णालयात उपचार सुरू असताना मृत्यू झाला. पालघर तालुक्यात अपघातांची मालिका सुरू आहे. मागील तीन दिवसांत तालुक्यात वेगवेगळ्या ठिकाणी झालेल्या तीन अपघातांत चार जणांचा मृत्यू झालाय.