अकोला - एका जोडप्याला वाढदिवस साजरा करणे चांगलेच अंगलट आले आहे. या प्रेमी युगुलाला जमावाने बेदम मारहाण केल्याचा धक्कदायक प्रकार अकोल्यात घडला आहे. अकोल्यातील उरल पोलीस ठाण्याच्या हद्दीत येणाऱ्या गायगा पेट्रोल पंपाजवळ एक प्रेमी युगुल वाढदिवस साजरा करत होते. यावेळी या प्रेमी युगुलाला जमावाने अडवले आणि मारहाण करायला सुरुवात केली. यावेळी जमावातील एकाने मोबाइलमध्ये हा संपूर्ण प्रकार शूट करत त्याचा व्हिडिओ व्हायरल केला. या घटनेचा व्हिडिओ व्हायरल झाल्यानंतर याबद्दल संताप व्यक्त करण्यात येत आहे.

हे देखील पहा -

जमाव तरुणीसमोर या तरुणाला मारहाण करत होते. तरुणीने हात जोडून या जमावाला मारहाण न करण्याची विननणी केली. पण, त्या जमावाने मारहाण सुरुच ठेवली. मारहाणी दरम्यान मुलगी मुस्लीम नसल्याचे लक्षात आल्यानंतर जमावाने मारहाण करणे थांबवले आणि त्यानंतर मुलीला सर्वांसमोर बुरखा काढायला भाग पाडले. याप्रकरणी प्रेमी युगुलाकडून तक्रार दाखल केलेली नाही. मात्र पोलिसांनी व्हिडिओच्या आधारे दोन आरोपींना अटक केली आहे.

गायगा पेट्रोल पंपाजवळ या प्रेमीयुगुलाला जमावाच्या टोळक्याने अडवले. यावेळी ओळख लपवण्यासाठी या तरुणीने बुरखा परिधान केला. बुरखा परिधान करून ती मुलासोबत जात असल्याचे पाहून काही मुस्लीम तरुणांच्या टोळक्याने त्यांना अडवले आणि त्यानंतर मुलाला लाथा-बुक्क्यांनी मारहाण करण्यास सुरुवात केली अशी माहिती पोलिसांकडून देण्यात आली आहे.

Edited By - Shivani Tichkule