अमरावती : मनपा Corporation प्रशासनातील अस्वच्छता आणि भोंगळ कारभाराबाबत मनसे MNS आक्रमक झाली आहे. महानगर अध्यक्ष संतोष बद्रे यांच्या नेतृत्वाखाली आज महानगरपालिकेत उग्र आंदोलन करण्यात आले आहे. मनपा आयुक्तांच्या Commissioner दालना लगतच्या जाळीची तोडफोड करण्यात आली आहे. तसेच मनपा प्रशासना विरोधात प्रचंड घोषणाबाजी देखील करण्यात आली आहे. या आंदोलनामुळे मनपा परिसरात काही काळ गोंधळाची परिस्थिती निर्माण झाली होती.

हे देखील पहा-

अनेक दिवसांपासून अमरावती Amravati महानगरपालिका क्षेत्रात डेंग्यूच्या dengue रुग्णांचा आकडा वाढत आहे. पावसाळ्याचे Rain दिवस सुरु आहेत. महापालिका प्रशासनाचे स्वच्छता, साफसफाई कामगार अशा गंभीर विषयाकडे पूर्णतः दुर्लक्ष करत आहेत. शहरात अनेक रोगराईच्या समस्या वाढत आहे. त्याचप्रमाणे शहरामधील अंतर्गत रस्त्यांवर मोठ्या प्रमाणात खड्ड्यांचे साम्राज्य झाले आहे.

नवीन रस्ते तयार करणे, तर दूरच परंतु पावसाळ्याचे दिवस बघता मुरूम टाकण्याची तसदी सुद्धा मनपा घेत नाही. या सर्व समस्यांवर मनसेने वेळोवेळी निवेदन दिलेले आहेत. परंतु, कुठलेही सकारात्मक पाऊल मनपाच्या वतीने उचलण्यात येत नाहीत. यावर महाराष्ट्र नवनिर्माण सेना आज चांगलीच आक्रमक झाली होती. मनपा आयुक्तांच्या दालनात ठिय्या आंदोलन करण्यात आले आहे. तसेच प्रवेशद्वाराला लाथाबुक्क्यांनी तोडफोड यावेळी करण्यात आलेली आहे.

Edited By- Digambar Jadhav