कैलास चौधरी

उस्मानाबाद : कोरोना Corona रुग्णांवर उपचार करणाऱ्या काही खाजगी रुग्णालयांनी रुग्णाची अक्षरशः लूट केली. 216 रुग्णांचे 22 लाख 32 हजार 867 रुपयांचे अधिक बिल रुग्णाच्या नातेवाईकांच्या हातात सोपवून रुग्णांची पिळवणूक केली होती. ही बाब जिल्हाधिकारी यांच्या लक्षात आल्यानंतर या प्रकरणी कारवाई करत या रुग्णालयाचे लेखा परीक्षण ( Audit ) केले.

हे देखील पहा-

त्यानंतर या खाजगी रुग्णालयांनी घालून दिलेल्या नियमापेक्षा रुग्णांकडून अधिकचे पैसे उकळ्याचे समोर आले. हा प्रकार लक्षात येताच 9 रुग्णालया विरोधात कायदेशीर कारवाई करत रुग्णाचे पैसे वापस देण्याचे आदेश जिल्हाधिकारी यांनी दिले.

यातील 6 रुग्णालयांनी हे अधिकचे घेतलेले 1 लाख 47 हजार 117 रुपये वापस केले मात्र 3 रुग्णालयांनी जिल्हाधिकारी यांच्या आदेशाला केराची टोपली दाखवली आहे. तर या तीन पैकी 2 रुग्णालय हे उच्च न्यायालयात गेले आहेत.

Edited By-Sanika Gade