विनोद जिरे

बीड - धारूर Dharur तालुक्यातील आरणवाडी साठवण तलावाचा फोडलेला सांडवा, पुन्हा बांधण्यास सुरुवात झाली असून ग्रामस्थांच्या आंदोलनास यश आले आहे. जनरेट्यामुळे पाटबंधारे विभागाने Irrigation Department दहाच दिवसात सांडवा Drain पूर्ववत करण्याचे काम हाती घेतले आहे. सांडव्याची उंची पूर्ववत करण्यात येत असल्याने ग्रामस्थ समाधान व्यक्त करत आहेत.

हे देखील पहा -

आरणवाडी साठवण तलावाचे काम तब्बल 17 वर्षानंतर पूर्ण झाले आहे. तलाव पूर्ण भरल्याने आरणवाडी, चोंराबा, पहाडी पारगाव, थेटेगव्हान, ढगेवाडी येथील ग्रामस्थ समाधानी होते. मात्र, रस्ते विकास महामंडळ व पाटबंधारे विभाग यांच्यातील बेबनावामुळे अनर्थ झाला आणि तलावाचा सांडवा फोडण्यात आला. राज्य रस्ते विकास महामंडळाने रस्त्याचे काम अर्धवट असल्याने रस्त्याला पाण्यापासून धोका होऊ नये, म्हणूण पाणी विसर्ग करण्याचे पञ देताच पाटबंधारे विभागाचे अधिकारी खडबडून जागे झाले.

साठवण तलाव नवा असल्याने तलावाच्या दगडी भिंतीतून पाणी झिरपण्याची भिती व्यक्त करत खालील गावांच्या सुरक्षितेच्या नावाखाली सांडवा फोडण्याचा निर्णय घेण्यात आला. याला गावातील नागरिकांनी कडाडून विरोध केला. मात्र विरोधाला न जुमानता सांडावा फोडत लाखो लिटर पाणी सोडून देण्यात आले.यानंतर ग्रामस्थांनी पेटून उठून सांडावा पूर्ववत करावा. यासाठी आंदोलन केले शेवटी प्रशासनाने पुन्हा सांडवा पूर्ववत करण्यास सुरुवात केली आहे.

Edited By - Shivani Tichkule