Buldhana News :

ईव्हीएम मशीन संदर्भात विविध चर्चा विचर्चा सुरू आहेत. ईव्हीएम संदर्भात आता संशय व्यक्त केला जाऊ लागला आहे. त्यामुळे आगामी काळातील सर्वच निवडणुका या बॅलेट पेपरवर घ्याव्यात अशी मागणी बुलढाणा जिल्ह्यातील विविध पक्षांनी जिल्हा प्रशासनास केली आहे. (Maharashtra News)

यावेळी विविध पक्षांच्या पदाधिका-यांनी ईव्हीएम मशीन कायमस्वरूपी हद्दपार करण्यात यावी अशी मागणी केली. बॅलेट पेपरच्या माध्यमातून मतदान घ्यावे अशी मागणी देखील बुलढाणा येथील प्रशासनास पदाधिका-यांनी केली.

यावेळी काँग्रेस (congress), शरद पवार गट (sharad pawar faction), वंचित बहुजन आघाडी (vanchit bahujan aghadi) या पक्षांच्या पदाधिकाऱ्यांसह, वकील संघाच्या वतीने प्रशासनास निवेदन देण्यात आले. दरम्यान या मागणीचे निवेदन जिल्हाधिकाऱ्यांमार्फत निवडणूक आयोगाकडे पाठवण्यात येईल असे शिष्टमंडळास आश्वासित करण्यात आले आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar