- अमर घटारे

राष्ट्रीयीकृत बँकां पुन्हा एकदा पीक कर्जासाठी सिबील स्कोअर पाहत असल्याचे चित्र आहे. यामुळे शेतक-यांमध्ये पुन्हा एकदा चितेंचे वातावरण पसरले आहे. गतवेळी उपमुख्यमंत्री देवेंद्र फडणवीस यांनी शेतक-यांना सिबीलमधून मुक्तता दिली हाेती. आता पुन्हा सिबीलची सक्ती झाल्यास काय असा प्रश्न शेतक-यांसमाेर उभा राहिला आहे.

गतवर्षीच्या हंगामापूर्वीच राज्यस्तरीय बैंकर्स समितीचा (एसएलबीसी) निर्णय झाल्यानंतर सर्व बँकांना सिबीलची सक्ती नकाे असे कळविण्यात आले होते. त्याशिवाय अमरावती जिल्ह्याचे तत्कालीन पालकमंत्री देवेंद्र फडणवीस यांनीदेखील ९ मे २०२३ च्या जिल्हा बैठकीत बँकांना सिबील बाबतचे निर्देश दिले होते.

त्यामुळे या प्रकाराला काही प्रमाणात पायबंद बसला हाेता. यंदाच्या खरीप हंगामासाठी शेतकरी पीक कर्जाची मागणी करु लागलेत. यावेळी बँकांद्वारा शेतकऱ्यांचे सिबील स्कोअर तपासण्यात येत असल्याचे चित्र आहे. यामध्ये 650 पेक्षा स्काेअर कमी असल्यास बँका कर्ज नाकारत असल्याचा आरोप शेतकरी करु लागले आहेत.

Edited By : Siddharth Latkar