सिंहस्थ कुंभमेळ्यासाठी होणाऱ्या वृक्षतोडी विरोधात राज ठाकरेंनी सरकारला थेट इशारा दिलाय. प्रभु श्रीरामाच्या पदस्पर्शानं पावन झालेल्या तपोवनातील वृक्षतोडीला नाशिककर, पर्यावरणप्रेमींनी विरोध केलेला असतांना आता उद्धव ठाकरेंनंतर राज ठाकरेंनी याविरोधात सरकारला थेट संघर्षाचा इशारा दिलाय. राज ठाकरेंनी या वृक्षतोडी विरोधात केलेल्या निवेदनात काय म्हटलंय

कुंभमेळ्यासाठी 1800 वृक्षांच्या कत्तलीला मनसेचा विरोध

याआधीच्या कुंभमेळ्यात वृक्षांची कत्तल न करता दिल्या सुविधा

दुसरीकडे झाडं लावण्याचं सरकारी आश्वासन पोकळ

जमीन सपाट करुन उद्योगपतींना देण्याचा सरकारी डाव

मनसे वृक्षतोड विरोधी लढ्यात संघर्ष करणार

राज ठाकरेंनी थेट उद्योगपतींना जागा देण्यासाठी वृक्षतोडीचा घाट घातल्याचा जळजळीत आरोप करुन खळबळ माजवली. यानंतर भाजपचे नेते आशिष शेलार यांनी राज ठाकरेंना उत्तर दिलंय. यामुळे राजकारण तर तापलंच आहे मात्र याच 1800 वृक्षांच्या तोडीला अभिनेते सयाजी शिंदेंनी कडवा विरोध केलाय

कुंभमेळ्यातील साधूंसाठी साधुग्राम उभारण्याच्या नावाखाली थेट शेकडो झाडांची कत्तल करण्याच्या या निर्णयाविरोधात आता विरोधकांसह खुद्द नाशिककर पेटून उठले आहेत. कारण याआधी झालेल्या कुंभमेळ्यांसाठी अशी वृक्षसंहाराची गरज पडली नव्हती! मग आत्ताच हे कुऱ्हाडींचे घाव कशासाठी?

ही १८०० झाडं तशीच ठेवून साधुग्राम उभारणं खरचं शक्य नाही का...की राज ठाकरेंच्या म्हणण्यानुसार खरंच कुंभमेळ्याच्या आडून ही १२०० एकर जागा एकर जागी उद्योगपतीना देण्याचा डाव आहे...?