Astha Chhatrapati Shivaji Maharaj Statue : छत्रपती शिवाजी महाराज यांचा पुतळा बसविण्यासाठी जागेच्या हस्तांतरणाला प्रशासनाने परवानगी दिल्याने शिवप्रेमींनी आष्ट्यामध्ये साखर वाटून आतषबाजी करत जल्लोष केला. या निर्णयानंतर शिवप्रेमींनी आंदोलन मागे घेतल्याचे जाहीर केले आहे. (Breaking Marathi News)

शिवप्रेमींनी गनिमी काव्याने छत्रपती शिवाजी महाराजांचा पुतळ्याची प्रतिष्ठापना केली होती. छत्रपती शिवाजी महाराजांच्या (chhatrapati shivaji maharaj) पुतळ्याजवळ महाआरती करण्याचं जाहीर करण्यात आलं होतं. हा पुतळा रात्री हटवण्याची शक्यता वर्तवली जात असल्यामुळे शिवप्रेमींनी आष्टा मधील सांगली - इस्लामपूर रस्त्यावर सकाळी ठिय्या मारला हाेता. यावेळी पोलिसांनी आंदोलकांना हटवण्याचा प्रयत्न केला. त्यावेळी पोलीस आणि आंदोलकांमध्ये झटापट झाली. (Maharashtra News)

आष्टा शहरात पुतळ्यावरून सकाळपासून राजकारण रंगले हाेते. आज भाजपकडून शहर बंद पाळण्याचे आवाहन करण्यात आले होते. तर महाविकास आघाडीकडून बंदला विरोध करण्यात आला होता.

दरम्यान आंदाेलक त्यांच्या भूमिकेवर ठाम राहिल्याने प्रशासन नमले. शिवप्रेमींच्या आंदोलनाला यश आले. छत्रपती शिवाजी महाराजांच्या पुतळ्याच्या जागेसाठी जागा हस्तांतरणाला प्रशासनाने परवानगी दिली. त्यानंतर दोन्ही गटांकडून सांगली इस्लामपूर रस्त्यावर जल्लोष करण्यात आला. यावेळी प्रवीण माने (भाजप) आणि वीर कुदळे (महाविकास आघाडी) यांच्यासह शिवप्रेमींनी प्रशासनाचे आभार मानले.

Edited By : Siddharth Latkar