छत्रपती संभाजीनगर : शहरातील एका हॉटेलमध्ये दिवाळीच्या रात्री कुख्यात गुन्हेगार टिप्याने पुन्हा राडा केल्यानं खळबळ उडाली आहे. शहरातील सेव्हनहिल येथील एका हॉटेलमध्ये टिप्याच्या गॅंगने हॉटेलमध्ये जेवणासाठी बसले एका गटाला गटाला बेदम मारहाण केली आहे. या हाणामारीचा व्हिडिओ समोर आला आहे.

हॉटेलमध्ये दुसऱ्या गटातील लोकांना मारण्यासाठी त्यांनी १५ ते २० बाटल्या फोडल्या. या घटनेची माहिती मिळताच पोलीस घटनास्थळी पोहोचले. त्यानंतर पोलीस हॉटेलमध्ये दाखल झाले, पण ते टिप्यालाच हात जोडून विनवणी करत बाहेर जा म्हणत होते. पोलिसांनी उलट समोरच्या जखमीवरच अरेरावी करून टिप्याला भाई, दादा करत घटनास्थळावरून निघून जाण्यास सांगितले.

वर्षभर जेलमध्ये असलेला टिप्या बाहेर येताच आठ दिवसात दुसरा राडा झाल्याचे समोर आलं आहे. या घटनेचा सिसीटीव्ही समोर आल्याने त्यांचा हाणामारी आणि पोलिसांची बघ्याची भूमिका हे समोर आलं आहे. काही दिवसांपूर्वी जेलमधून सुटताच कुख्यात गुंड टिप्याची रॅली काढत दहशत माजवली होती.

हॉटेलमध्ये ऐन दिवाळीच्या रात्री कुख्यात गुंड टिप्याचा अनेकवार हल्ला केला. लुटणे, जीवघेणे हल्ले, खंडणी असे गंभीर स्वरूपाचे गुन्हे टिप्यावर दाखल आहेत. वाढत्या गुन्हेगारी पाहता वर्षभरापूर्वी स्थानबद्धतेची कारवाई पोलीस आयुक्तांनी केली होती. मागील आठवड्यात दहशत माजवल्या प्रकरणी टिप्यासह 16 जणांवर गुन्हा दाखल करण्यात आला आहे.

नाशिकमध्ये दुकानदाराला टोळक्याची मारहाण

नाशिकच्या तिबेटीयन मार्केट येथील कपडे विक्रेत्याला कपडे फुकट देत नसल्याने मारहाण केल्याची घटना घडली आहे. ही मारहाणीची घटना सीसीटीव्ही कॅमेऱ्यात कैद झाली आहे. 10-12 जणांच्या टोळक्याकडून हल्ला करण्यात आला आहे. कपडे फुकट न दिल्याने थेट दुकानात घुसून टोळक्याकडून हल्ला करण्यात आला. या हल्यात इमरान शेख आणि त्यांचा पुतण्या फरान शेख हे दोघे जखमी झाले आहेत. या प्रकरणाचा सरकारवाडा पोलिस ठाणे अंतर्गत अधिक तपास सुरू आहे.