- अमर घटारे

Amravati : अमरावती (amravati) जिल्ह्यातील चांदूर रेल्वे येथील गुंड नईम खान याच्या खून प्रकरणी चांदूर रेल्वे पाेलीसांनी चाैघांना अटक केली आहे. या सर्व संशयित आराेपींवर खूनाचा गुन्हा दाखल केल्याची माहिती पाेलिसांनी (police) दिली. दरम्यान चांदूर रेल्वे येथील नईम खानची दहशत संपल्याने नागरिकांनी सुटकेचा निश्वास साेडला आहे. (amravati latest marathi news)

चांदूर रेल्वे येथील अल्पवयीन मुलीचे अपहरण झाल्यानंतर परिसरातील नागरिकांनी पाेलीस ठाण्याला घेराव घातला हाेता. यावेळी नागरिकांनी मुलीचा तातडीने शाेध घेऊन तिची सुटका करावी. तसेच नईम खानला अटक करा अशी मागणी केली हाेती. पाेलीसांनी नागरिकांना आश्वासित करुन तपास सुरु केला हाेता.

दरम्यान नईम खाननं संबंधित मुलीला घरी नेऊन सोडले. त्याच रात्री खान याचा खून झाला. त्याची बातमी संपुर्ण शहरासह अमरावती जिल्ह्यात पसरली. खानचा खून झाल्याने त्याची परिसरातील दहशत संपली हाेती पण त्याचा कुणी गेम केला याची चर्चा दबक्या आवाजात सुरु हाेती.

पाेलीसांनी या प्रकरणाचा तपास करुन खान याच्या खून प्रकरणी चार संशयितांना ताब्यात घेतले. चाैकशी अंती त्यांना अटक केली. यामध्ये मो. आशिक, अफजल खा, साजीद उमर उर्फ पप्पू व दिपक पवार यांचा समावेश आहे. या सर्वांवर खूनाचा गुन्हा दाखल केल्याची माहिती पाेलिसांनी दिली.

Edited By : Siddharth Latkar