चेतन इंगळे

वसई-विरार : एकीकडे मोठय़ा प्रमाणावर लसटंचाई असताना दुसरीकडे नागरिकांना तांत्रिक गोंधळाचा सामना करावा लागत आहे. लशीची पहिली मात्रा घेतली तरी दुसरी मात्रा घेतल्याचे प्रमाणपत्र थेट नागरिकांना मिळू लागले असल्याने आता आश्चर्य व्यक्त केले जात आहे. विरारमध्ये राहणाऱ्या एका ५२ वर्षीय महिलेला २८ जून रोजी दुसरी मात्रा घेतल्याचा संदेश मोबाइलवर आला आणि वसई अग्रवाल केंद्रातून दुसरी लस घेतल्याचे प्रमाणपत्रही मिळाले. Certificate to citizens even without vaccination!

हे देखील पहा -

लस घेतली नसताना दुसरी लस दिल्याचे खोटे प्रमाणपत्र आले आहे. मग आता दुसरी लस घ्यायची कशी? असा सवाल त्या महिलेने उपस्थित केला आहे. असाच प्रकार नालासोपारामध्ये राहणाऱ्या एका तरुणासोबत घडला आहे. या तरुणाला देखील दुसरी लस मिळालेली नसताना दुसरी लस घेतल्याचा मेसेज आणि प्रमाणपत्र मिळाले आहे.

या गोष्टी ची विचारणा जेव्हा महानगरपालिकेच्या प्रमुख वैद्यकीय अधिकारी डॉ.सुरेखा वाळके यांच्याशी केली असता, पालिकेने मात्र उपयोजन (अ‍ॅप) मधील तांत्रिक दोषामुळे असा घोळ होत असल्याचे सांगितले आहे. ८४ दिवस पूर्ण झाल्याने आपोआप उपयोजनमधून असा मेसेज जात असावा असे सांगितले. मात्र नागरिकांना लस दिली जाईल, असे त्यांनी स्पष्ट केले आहे.

Edited By : Krushnarav Sathe