नांदेडकरांसाठी आनंदाची बातमी आहे.तुम्ही वारंवार नांदेडहून मुंबई असा प्रवास करता. व्यवसायासाठी तुमचं नेहमी नांदेड किंवा मुंबईला जाता, तर तुमच्यासाठी ही बामती कामाची आहे. मध्य रेल्वेने दोन रेल्वे गाड्या साप्तहिकपणे चालवल्या जाणार आहेत. लोकमान्य टिळक टर्मिनस आणि हुजूर साहेब नांदेडदरम्यान नियमितपणे चालणाऱ्या २ साप्ताहिक गाड्या सुरू केल्या आहेत. दिनांक ६ जुलै २०२६ रोजी महाराष्ट्र आणि उत्तराखंडचे मुख्यमंत्री, रेल्वेमंत्री आणि इतर मान्यवरांच्या हस्ते या दोन गाड्यांचे हिरवा झेंडा दाखवून उद्घाटन करण्यात आले.

लोकमान्य टिळक टर्मिनस (मुंबई) - नांदेड - लोकमान्य टिळक टर्मिनस (मुंबई) एक्सप्रेसची नियमित सेवा खालीलप्रमाणे सुरू होईल:

* गाडी क्रमांक 17667 हुजूर साहेब नांदेड - लोकमान्य टिळक टर्मिनस एक्सप्रेस दिनांक ०८.०७.२०२६ पासून

* गाडी क्रमांक 17668 लोकमान्य टिळक टर्मिनस - हुजूर साहेब नांदेड एक्सप्रेस दिनांक ०९.०७.२०२६ पासून

* गाडी क्रमांक 17665 हुजूर साहेब नांदेड - लोकमान्य टिळक टर्मिनस एक्सप्रेस दिनांक १३.०७.२०२६ पासून आणि

* गाडी क्रमांक 17666 लोकमान्य टिळक टर्मिनस - हुजूर साहेब नांदेड एक्सप्रेस दिनांक १४.०७.२०२६ पासून सुरू होईल.

नियमित फेऱ्यांचा तपशील खालीलप्रमाणे आहे:

(अ) गाडी क्रमांक 17668 / 17667 लोकमान्य टिळक टर्मिनस (मुंबई) - नांदेड - लोकमान्य टिळक टर्मिनस (मुंबई) साप्ताहिक एक्सप्रेस:

गाडी क्रमांक 17668 लोकमान्य टिळक टर्मिनस - नांदेड साप्ताहिक एक्सप्रेस दिनांक ०९.०७.२०२६ पासून दर गुरुवारी १६.५५ वाजता लोकमान्य टिळक टर्मिनस येथून सुटेल आणि हुजूर साहेब नांदेड येथे दुसऱ्या दिवशी ०९.१० वाजता पोहोचेल.

गाडी क्रमांक 17667 नांदेड - लोकमान्य टिळक टर्मिनस साप्ताहिक एक्सप्रेस दिनांक ०८.०७.२०२६ पासून दर बुधवारी २१.१५ वाजता हुजूर साहेब नांदेड येथून सुटेल आणि लोकमान्य टिळक टर्मिनस येथे दुसऱ्या दिवशी १३.०० वाजता पोहोचेल.

या गाड्यांना कल्याण, नाशिक रोड, मनमाड, भुसावळ, मलकापूर, अकोला, वाशिम, हिंगोली डेक्कन, बसमत आणि पूर्णा येथे थांबे देण्यात येतील. गाडी क्रमांक 17666 लोकमान्य टिळक टर्मिनस – नांदेड साप्ताहिक एक्सप्रेस दिनांक 14 जुलै 2026 पासून दर मंगळवारी 16.35 वाजता लोकमान्य टिळक टर्मिनस येथून सुटेल आणि हुजूर साहेब नांदेड येथे दुसऱ्या दिवशी 9.10 वाजता पोहोचेल.

(ब) गाडी क्रमांक 17666 / 17665 लोकमान्य टिळक टर्मिनस - नांदेड - लोकमान्य टिळक टर्मिनस साप्ताहिक एक्सप्रेस:

गाडी क्रमांक 17666 लोकमान्य टिळक टर्मिनस - नांदेड साप्ताहिक एक्सप्रेस दिनांक १४.०७.२०२६ पासून दर मंगळवारी १६.३५ वाजता लोकमान्य टिळक टर्मिनस येथून सुटेल आणि हुजूर साहेब नांदेड येथे दुसऱ्या दिवशी ०९.१० वाजता पोहोचेल. थांबे: कल्याण, इगतपुरी, नाशिक रोड, मनमाड, चाळीसगाव, भुसावळ, मलकापूर, अकोला, वाशिम, हिंगोली डेक्कन, बसमत आणि पूर्णा.

दोन्ही गाड्यांची संरचना: १ वातानुकूलित प्रथम श्रेणी, २ वातानुकूलित द्वितीय, ६ वातानुकूलित तृतीय, ७ शयनयान, ४ सामान्य द्वितीय श्रेणी, १ जनरेटर व्हॅन आणि १ द्वितीय आसनासह गार्ड्स ब्रेक व्हॅन.

आरक्षण: गाडी क्रमांक 17666 आणि गाडी क्रमांक 17668 साठी आरक्षण दिनांक ०८.०७.२०२६ रोजी सर्व संगणकीकृत आरक्षण केंद्रांवर आणि http://www.irctc.co.in या संकेतस्थळावर सुरू होईल.