- अजय सोनवणे

Nashik :

होळी सणा नंतर नाशिक जिल्ह्यात पाचव्या दिवशी रंगपंचमीचा उत्सव साजरा केला जातो. वाद्याचा गजर तरुणाईचा जल्लोष आणि रंगांची उधळण करत आज (शनिवार) नाशिक जिल्ह्यातील येवला शहरात रंगांचे सामने (Yeola Rangpanchami Competition) रंगले. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

येवला शहरात १०० वर्षां पासूनची रंगाचे सामने खेळण्याची परंपरा आहे. शहरातील टिळक मैदान येथे हे रंगांचे सामने खेळले जातात. येवल्यातील सर्व तालीम संघाचे कार्यकर्ते आपापल्या कार्यकर्त्यांनी आज ट्रॅकर मध्ये रंगांचे ड्रम भरुन आणले. सर्वजण एकत्र आल्यानंतर मान्यवरांच्या उपस्थितीत रंगांच्या सामन्यांना सुरुवात झाली. (Maharashtra News)

रस्त्याच्या दोन्ही बाजूने ट्रॅक्टर निघाल्यानंतर सर्वांनी एकमेकांवर विविध रंगांचा मारा करत हाेते. रंगांचे सामने पाहण्यासाठी मोठ्या संख्येने येवलेकर नागरीकांसह बाहेरगावाहून आलेले अनेक जण यामध्ये सहभागी झाले हाेते. टिळक मैदान येथील सामने संपल्यानंतर दारुगुत्ता रोड येथे दुसरे रंगाचे सामने सुरु झाले.

Edited By : Siddharth Latkar