सोमवारी दुपारच्या सुमारास अजय पाटील घराबाहेर होते तर त्यांची पत्नी घरकामात व्यस्त होती. दीड वर्षांचा त्यांचा मुलगा रियांश घरात खेळत होता. कपाटावर चढलेल्या मांजराने विषाचा डबा खाली पाडला. त्यामुळे विष घरात पसरले. खाली खेळत असलेल्या रियांशने विषाने माखलेले तेच हात तोंडात घातले.

काही वेळाने रियांशची आई घरात आली. तिने चिमुकल्याला उचलून त्याचे हात धुतले. आंघोळही घालून दिली. मात्र, काही वेळानंतर विषाने आपला प्रभाव दाखवला. चिमुकल्याची प्रकृती बिघडल्याने प्रारंभी त्याला खासगी आणि नंतर मेयो रुग्णालयात दाखल करण्यात आले तिथे उपचार सुरू असताना मंगळवारी दुपारच्या सुमारास या चिमुकल्याचा मृत्यू झाला.समतानगर परिसरात या धक्कादायक घटनेमुळे हळहळ व्यक्त केली जात आहे.

Edited By - Shivani Tichkule