साेलापूर : सोलापुरातील (solapur) बार्शी (barshi) तालुक्यातील एका महिलेस महिला दिनी (womens day) फेसबुकवर अश्लील कमेंट करणं बार्शीच्या तालुकाध्यक्षाला चांगलंच महागात पडलं आहे. बार्शी काँग्रेसचे (congress) तालुकाध्यक्ष जीवनदत्त अरगडे यांनी संजीवनी बारंगुळे या अपंग सामाजिक कार्यकर्तीस महिला दिनी फेसबुकवर अश्लील भाषेत कमेंट केली केली होती. त्याविषयी आरगडे यांच्यावर बार्शी पोलीस ठाण्यात विनयभंगाचा गुन्हा दाखल करण्यात आला आहे. (barshi latest crime news)

पोलीस आरगडेचा शोध घेत होते. दरम्यान आरगडे हा मुंबईत (mumbai) असल्याची बातमी बारंगुळे यांना मिळाली. बारंगुळे या स्वतः काही महिलांसोबत मुंबईत दाखल झाल्या. त्यांनी मरीन ड्राईव्हवरच आरगडेला चोप देऊन पोलिसांच्या ताब्यात दिले.

दरम्यान जीवनदत्त आरगडे याने मुंबईतही या महिलांना शिविगाळ केल्याने त्याच्यावर मरीन ड्राइव्ह पोलीस ठाण्यात देखील विनयभंगाचा गुन्हा दाखल करण्यात आला आहे. याबाबतची माहिती सारिका गटकुळ (पोलीस उपनिरीक्षक) यांनी दिली.

Edited By : Siddharth Latkar