- विनायक वंजारे

सिंधुदुर्ग : नगरपंचायतीच्या नगराध्यक्ष उपनगराध्यक्ष निवडी दरम्यान लोकांचा जमाव करून कोवीड प्रतिबंध नियमांचे उल्लंघन केल्याने तसेच जिल्हाधिकारी यांनी लागू केलेल्या मनाई आदेशाचे उल्लंघन केल्याप्रकरणी शिवसेना (shivsena), काँग्रेस (congress) व भाजपच्या (bjp) पदाधिकारी व कार्यकर्त्यांवर कुडाळ (kudal) पोलीस ठाण्यात गुन्हा दाखल करण्यात आला आहे. (sindhudurg latest marathi news)

शिवसेना आमदार वैभव नाईक (vaibhav naik), जिल्हाप्रमुख संजय पडते, शहर प्रमुख संतोष शिरसाट, काँग्रेस जिल्हाध्यक्ष बाळा गावडे, तालुकाध्यक्ष अभय शिरसाट, जिल्हा बँक संचालक विद्या प्रसाद बांदेकर, भाजपा तालुका अध्यक्ष विनायक राणे, आनंद शिरवलकर, आबा धडाम यांच्यासह अन्य ४० ते ५० पदाधिकारी व कार्यकर्त्यांवर कुडाळ पोलिस ठाण्यात गुन्हा दाखल करण्यात आला आहे.

रॅली काढल्याने विद्यमान पदाधिका-यांवर गुन्हा दाखल

नगराध्यक्ष व उपनगराध्यक्ष निवडी नंतर विनापरवाना रॅली काढल्याप्रकरणी नवनिर्वाचित नगराध्यक्ष आफ्रीन करोल, उपनगराध्यक्ष मंदार शिरसाट तसेच इतर नगरसेवकांवर देखील पोलीस ठाण्यात गुन्हा दाखल करण्यात आला आहे.

Edited By : Siddharth Latkar