नांदेड : नांदेड - हैदराबाद महामार्गावर कार आणि ट्रकच्या भीषण अपघातात एकाच कुटुंबातील चार जणांचा मृत्यू झाला आहे. अपघात एवढा भीषण होता की अपघातात कारता चक्काचूर झाला आहे. नायगाव तालुक्यातील (तमा) टाकळी येथून केरुर येथे मृत कुटुंबातील पाच सदस्य जात होते त्यावेळी देगलूरकडून येणाऱ्या ट्रकची आणि यांच्या कारची समोरासमोर धडक झाली. (Nanded - Hyderabad Highway)

या अपघातात (Accident) एकाच कुटुंबातील आई-वडील, मुलगा-मुलगी असे चार जण जागीच ठार झालेत. मात्र, त्याच कारमध्ये असणारी नात सुदैवाने बचावली असली तरी ती देखील गंभीर जखमी आहे.

हे देखील पाहा -

सदर अपघात काल रात्री आठच्या सुमारास नांदेड जिल्ह्य़ातील (Nanded District) नायगाव तालुक्यातील कुंचेली फाटा इथं झाला. त्यामध्ये शंकरराव जाधव, महानंदा जाधव, धनराज जाधव आणि कल्पना शिंदे असे एकाच कुटुंबातील मृत्यूमुखी पडलेल्या सदस्यांची नावं आहेत. तर नात स्वाती पाटील ही गंभीर जखमी असून तीच्यावर नांदेड च्या जिल्हा शासकीय रुग्णालयात उपचार सुरू आहेत.

या भीषण अपघातस्थळावर बघ्यांची मोठी गर्दी जमली होती. तर अपघातामुळे काही काळ वाहतूक व्यवस्था ही ठप्प झाली होती. शिवाय या एकाच कुटुंबातील सदस्यांवर काळाने घाला घातल्याने केरूर आणि तमा टाकळी गावावर शोककळा पसरली आहे.

Edited By - Jagdish Patil