सांगली - ऐन सणासुदीच्या काळात सांगली Sangali मध्ये वीज वितरण कंपनीच्या Power Distribution Company हाय व्हॉलटेजचा झटका सांगलीकर नागरिकांना बसला आहे. विजेच्या उच्च दाबामुळे टीव्ही TV, AC, फ्रीजसह Fridge अनेक लहान मोठे शेकडो विद्युत उपकरण जळून खाक झाली आहेत. त्यामुळे नागरिकांचे लाखो रुपयांचे नुकसान झाले आहे. वीज वितरण कंपनीकडून नुकसानीचे पंचनामे सुरू करण्यात आले असले तरी वीज कंपनींच्या या भोंगळ कारभारामुळे नागरिक चांगलेच वैतागले आहेत. (Burned hundreds of electrical appliances, including TVs, refrigerators, and mobiles)

हे देखील पहा -

देशात सध्या विजेचं संकट निर्माण झालेला आहे. मात्र सांगलीमध्ये ऐन सणासुदीच्या काळात वीज वितरण कंपनीच्या झटक्याने ग्राहक मोठ्या संकटात सापडले आहेत. सांगलीच्या गणेशनगर मध्ये वीज वितरण कंपनीच्या गलथान कारभारामूळे नागरिकांना मोठा आर्थिक फटका बसला आहे. दुपारच्या सुमारास अचानक विजेचा दाब वाढल्यामुळे शेकडो घरातील टीव्ही, फ्रीज ,मोबाईल अशी अनेक विद्युत उपकरणे जळून खाक झाली आहेत.

अचानकपणे एकाच वेळी तब्बल 500 ते 600 ग्राहकांना याचा फटका बसल्याने. त्यामुळे या परिसरात भीतीचे वातावरण पसरले. यावेळी या प्रभागाचे नगरसेवक मंगेश चव्हाण यांनी तात्काळ घटनास्थळी धाव घेतली. आणि एमएसीबीच्या MSCB अधिकाऱ्यांना बोलावून सदर घटना निदर्शनास आणून दिली तसेच तात्काळ पंचनामा करून नुकसान भरपाई मिळावी अशी मागणी केली आहे. त्यानंतर वीज वितरण विभागाकडून नुकसान झालेल्या ग्राहकांचे पंचनामे करण्यास सुरुवात करण्यात आले आहेत.

Edited By - Jagdish Patil