- राजेश भोस्तेकर

रायगड : महाड पोलादपुर बैलगाडी स्पर्धा पंच कमिटीचे माजी अध्यक्ष (कै.) सुभाष खांबे यांच्या स्मरणार्थ आज (रविवार) महाड (mahad) तालुक्यातील काचले या गावी बैलगाडी स्पर्धांचे (bullock cart race) आयोजन करण्यात आले होते. या स्पर्धांमध्ये ३६ बैलगाडी मालकांनी सहभग घेतला. (bullock cart race latest marathi news)

या स्पर्धेत निलेश चव्हाण, तेलंगे यांच्या बैलगाडीचा प्रथम क्रमांक, आदेश पाटील, मोहोप्रे यांचा द्वितीय क्रमांक तसेच श्री क्षेत्र स्वयंभू प्रतिष्ठान, वरंधचा तृतीय, महेश जाधव, भावे यांच्या बैलगाडीचा चतुर्थ क्रमांक आला. बैलगाडीच्या या स्पर्धांवर गेली सात वर्ष बंदी होती. ही बंदी उठल्यानंतर आता स्पर्धा सुरु झाल्या आहेत. बैलगाडी स्पर्धांचा हा थरार अनुभवण्यासाठी शर्यतप्रेमींनी (sports) मोठी गर्दी केली होती.

या स्पर्धांना परवानगी देताना ५० हजार रुपयांची अनामत रक्कम भरावी लागते. त्याच बरोबर परवानगी जिल्हा पातळीवरून दिली जाते. या जाचक अटी रद्द कराव्यात अशी मागणी आयोजकांनी केली आहे. याबाबत आयोजकांच्यावतीने सचिन ओझर्डे म्हणाले काही जाचक अटींमुळे स्पर्धा आयाेजनात अडचणी येताहेत. राज्य शासनाने (maharashtra government) जाचक अटी दूर करावेत.

Edited By : Siddharth Latkar