बुलढाणा जिल्हा प्रशासनाने नुकताच डीजे वाजविण्यावर बंदी असल्याचा आदेश पारित केला आहे. या आदेशाची पालन न झाल्यास कडक कारवाईचे संकेत पाेलिस प्रशासनाने दिले आहेत. आता त्यापूढे जाऊन पाेलिसांनी मंगल कार्यालय मालक, व्यवस्थापकांची बैठक घेत नवी नियमावली जारी केली आहे. (Maharashtra News)

बुलढाणा शहर पोलिस ठाण्यात शहरातील मंगल कार्यालय मालकांची नुकतीच बैठक पार पडली. लग्न समारंभात, तसेच इतर कार्यक्रमाच्या दरम्यान डीजे तसेच वाद्यांमुळे वाहतुकीची मोठी समस्या होते. शिवाय तणावाची परिस्थिती ही निर्माण होऊ शकते. त्यामुळे मंगल कार्यालय प्रशासनाला पाेलिसांनी काही सक्त सूचना केल्या आहेत.

अशा आहेत पाेलिसांच्या सूचना

पार्किंग व्यवस्था करणे.

सिसिटीव्ही यंत्रणा लावणे.

मंगल कार्यालंय बुक करण्यास आलेल्यांना पोलिसांची डीजे परवानगी असल्याची खात्री करून घेणे.

मंगल कार्याल्यातील आवारात एका बाजूने डीजे वाजविण्याची व्यवस्था करणे.

नियमानुसार आवाजात डीजे वाजविणे.

सूचनांचे पालन व्हावे अन्यथा...

अप्पर पोलीस अधीक्षक बीबी महामुनी यांनी या सूचना जिल्ह्यातील सर्व मंगल कार्यालय, लॉन्स चालक मालकांसाठी देण्यात आल्याचे सांगितले. अन्यथा कायदेशीर कारवाईस सामाेरे जावे लागले असा इशारा दिला आहे. यावेळी ग्रामीण पोलिस स्टेशनचे ठाणेदार माधवराव गरुड, उपविभागीय पोलिस अधिकारी सुधीर पाटील यांची उपस्थिती होती.

Edited By : Siddharth Latkar