संजय जाधव, बुलढाणा

अपघातांची मालिका थांबल्यानंतर समृद्धी महामार्गावर दरोडे, प्रवाशांवर हल्ले केल्याचे प्रकार उघडकीस येत आहेत. सोमवारी (ता. ७ ऑक्टोबर) मध्यरात्री समृद्धी महामार्गावर बिबी गावाजवळ दोन " माही ट्रॅव्हल्स " च्या खाजगी प्रवासी बसेसवर अज्ञातांनी दगडफेक केल्याची घटना उघडकीस आली आहे. या दगडफेकीत चालकासह दोन प्रवासी गंभीर जखमी झालेत.

याबाबत सविस्तर माहिती अशी की, समृद्धी महामार्गावर बिबी गावाजवळ मध्यरात्री दोन "माही ट्रॅव्हल्स " च्या खाजगी प्रवासी बसेसवर अज्ञातांनी दगडफेक केल्याची धक्कादायक घटना समोर आली आहे. सिंदखेडराजा तालुक्यातील बीबी या गावाजवळ रात्री दीड वाजताच्या सुमारस ही दगडफेक झाली आहे. या दगडफेकीत बसमधील चालकासह दोन प्रवासी जखमी झालेत. हल्ल्यात जखमी झालेल्यांवर समृद्धी रुग्णवाहिकेतील डॉक्टरांनी उपचार केले.

"माही ट्रॅव्हल्स " च्या या दोन्ही बसेस नागपूरकडून मुंबईकडे जात होत्या. मध्यरात्री दीड वाजण्याच्या सुमारास सिंदखेडराजा तालुक्यातील बीबी या गावाजवळ अज्ञातांनी दगडफेक केली. अचानक झालेल्या या हल्ल्याने प्रवासी घाबरुन केले. मात्र चालकाने प्रसंगावधान राखत बस थांबवली नाही. दगडफेक केल्यानंतर बस न थांबल्याने दगडफेक करणारे फरार झाले. दोन किमी अंतरावर बस थांबवून चाकलाने प्रसंगावधान राखत पोलिसांना फोन करून याबाबतची माहिती दिली. पोलीस या प्रकरणाचा अधिक तपास करत आहेत.