बुलढाणा : बुलढाण्यातील मिल्लतनगर भागात गोवंशाची जनावरे वाड्यात कोंबून ठेवल्याची माहिती (Buldhana) पोलिसांना मिळाली होती. या माहितीवरून पोलिसांनी (Police) केलेल्या कारवाईत ३७ गोवंश जनावरांची सुटका करण्यात आली आहे. (Tajya Batmya)

बुलढाण्याच्या मलकापूर शहरातील मिळाली पारपेठ भागातील मिल्लतनगर येथील एका वाड्यामध्ये गोवंश जातीची जनावरे कत्तलीसाठी कोंबुन ठेवले होते. त्याची गोपनीय माहिती ठाणेदार रत्नपारखी यांना मिळाली होती. त्यावरून पोलिसांनी घटनास्थळी जाऊन पाहणी केली असता सदर वाड्यामध्ये एकुण ३७ गोवंश जनावरे निर्दयतेने जखडून बांधलेल्या कोंबलेल्या स्थितीत दिसुन आले. यांची कोणतीही चारा पाण्याची व्यवस्था केलेली नव्हती. 

साडेतीन लाखाची गोवंश 

ही जनावरे त्यांची असल्याचा कुठलाही पुरावा मिळाला नसल्याने पोलिसांनी साडेतीन लाख रुपये किमतीच्या गोवंशाची सुटका करून त्यांना श्रीहरी गोशाळा बेलाड येथे ठेवण्यात आले आहे, तर सैय्यद अजगर सैय्यद रहेमान, सैय्यद सिकंदर सैय्यद रहेमान आणि सैय्यद फारुख सैय्यद रहेमान या तिघांवर विविध कलमान्वये गुन्हे दाखल करण्यात आले आहेत.