संजय जाधव 

बुलढाणा : बुलढाणा जिल्ह्यातील खामगाव येथील एका सिमेंट कंपनीच्या वितरकाकडून सिमेंट पुरवठ्यात (Buldhana) भेसळ केली जात असून सिमेंटच्या एका गोणीत ४ किलो कमी सिमेंट भरले जात असल्याचे सामोर आले आहे. याबाबत (Farmer) शेतकऱ्यांचा तक्रारीवरून सिमेंट वितरकावर गुन्हा दाखल करण्यात आला अणे. (Breaking Marathi News)

बुलढाण्यात जळगाव जामोद तालुक्यातील सूनगाव येथील राजेंद्र बैस या शेतकऱ्याला शासकीय योजनेतून घरकुल मिळाले. या घरकुलाच्या बांधकामासाठी राजेंद्र बैस यांनी खामगाव येथील शेख सलीम या सिमेंट वितरकाला शंभर सिमेंटच्या थैलांची ऑर्डर दिली. मात्र ज्यावेळी बांधकाम करण्यात आले. त्यावेळेस सिमेंट सुकत नसल्याने राजेंद्र बैस याना शंका आली. त्यानुसार प्रत्येक थैलीचे वजन केलं असता त्यांना सिमेंटमध्येही कमी वजनाच्या थैल्या आढळल्या. तसेच सिमेंटमध्येही भेसळ आढळली. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

पोलिसांकडून चौकशी सुरु 

खामगाव परिसरात बोगस सिमेंट तयार करून विकणाऱ्या टोळीचा शोध लागला असून यात अल्ट्राटेक कंपनीच्या काही कामगारांचा समावेश असल्याची माहिती मिळाली आहे. त्यानुसार राजेंद्र बैस यांनी जळगाव जामोद पोलिसात तक्रार दाखल केली. बैस यांच्या तक्रारीवरून पोलिसांनी खामगाव येथील शेख सलीम या सिमेंट वितरका विरुद्ध फसवणुकीचा गुन्हा दाखल केला आहे. संबंधित वितरकाने या सिमेंटमध्ये भेसळ कशी व कुठे केली? रिपॅकेजिंग कसं केलं? याची चौकशी आता पोलीस करत आहेत.