संजय जाधव, बुलढाणा|ता. १६ डिसेंबर २०२३

Buldhana Crime News:

बुलढाणा (Buldhana) जिल्ह्यातून एक धक्कादायक घटना समोर आली आहे. बुलढाण्याच्या मोताळा तालुक्यातील वाघजाळ या गावात सशस्त्र दरोडा पडला असून पती, पत्नीसह मुलाला मारहाण करत 2 लाखाचे सोने व 20 हजार रोख रक्कम घेऊन दरोडेखोर पसार झाले आहेत. या घटनेने परिसरात एकच खळबळ उडाली आहे. (Crime News in Marathi)

याबाबत सविस्तर माहिती अशी की, मोताळा तालुक्यातील (Buldhana) वाघजाळ गावात शनिवारी मध्यरात्री सशस्त्र दरोडा पडल्याची घटना घडली. दरोडेखोरांनी पती, पत्नीसह मुलाला मारहाण करत 2 लाखाचे सोने व 20 हजारांचा ऐवज लुटला. मारहाणीमध्ये कुटुंबातील चौघेही गंभीर जखमी झाले आहेत.

या भयंकर घटनेने परिसरात भितीचे वातावरण पसरले आहे. घटनेची माहिती मिळताच पोलीस फौजफाटा गावात दाखल झाला आहे. पोलीस या प्रकरणाचा अधिक तपास करत आहेत. पोलीस स्टेशनच्या जवळच असलेल्या गावात दरोडा पडल्याने परिसरात खळबळ उडाली आहे.

 ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दरम्यान, दिवाळीमध्ये मोताळा शहरात चार ते पाच ठिकाणी घरफोड्या झाल्या होत्या.त्यातील अद्याप पर्यंत आरोपी सापडले नाहीत. अशातच आता पुन्हा एकदा दरोड्याची घटना घडल्याने पोलिसांच्या कार्यक्षमतेवर प्रश्न निर्माण होत आहे. या प्रकरणी जिल्ह्याचे पोलीस अधीक्षक यांनी गांभीर्याने लक्ष देण्याची मागणी नागरिक करीत आहे.. (Latest Marathi News)