संजय जाधव, बुलढाणा|ता. ३ मार्च २०२४

Buldhana Accident News:

गेल्या काही दिवसांपासून राज्यात अपघातांचे सत्र सुरू आहे. आज बुलढाणामधून एक भीषण अपघाताची घटना समोर आली आहे. बुलढाण्यातील नागपूर पुणे मुंबई महामार्गावर दुचाकी व कंटेनरचा भीषण अपघात झाला. या अपघातात दुचाकीवरील दोघांचाही जागीच मृत्यू झाला.

याबाबत सविस्तर माहिती अशी की, आज बुलढाण्यामध्ये (Buldhana) एक भीषण अपघाताची घटना घडली. नागपूर पुणे मुंबई महामार्गावर अंजनी खुर्द गावा जवळ कंटेनर आणि दुचाकीमध्ये समोरासमोर धडक झाली. ही धडक इतकी जोरदार होती की दुचाकीवरील दोघांचाही जागीच मृत्यू झाला. रामेश्वर कांबळे व पंडित भरसाखले असे या भीषण अपघातात मृत्यू झालेल्यांची नावे आहेत.

या दुर्दैवी घटनेची माहिती मिळताच स्थानिकांनी घटनास्थळी धाव घेतली. हा अपघात इतका भयंकर होता की दुचाकीचा अक्षरश: चक्काचूर झाला. अपघातानंतर कंटेनर चालक अपघात स्थळावरून फरार झाला आहे. पोलीस त्याचा शोध घेत आहेत.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

आमदार दळवींच्या गाडीला अपघात..

अलिबागचे आमदार महेंद्र दळवी यांच्या कारला अपघात झाल्याची घटना काल घडली. रायगडमधील मुरुड तालुक्यातील उसडी येथे हा अपघात झाला. या अपघातात आमदार दळवी सुखरुप आहेत. पण एका मोटार सायकलस्वाराचा मृत्यू झाला आहे. (Latest Marathi News)