>>संजय जाधव, साम टीव्ही

Little Girl Dead Body found in Buldhana: बुलढाण्याच्या चिखली तालुक्यात चिमुकलीचा मृतदेह आढळून आला आहे. चिखलीच्या तपोवनमध्ये घडलेलल्या या धक्कादायक घटनेने संपूर्ण जिल्ह्यात खळबळ उडाली आहे. चिखली तालुक्यातील तपोवन देवी मंदिर परिसरातून शुक्रवारी 6 वर्षीय चिमुकली हरवली होती. आज दुपारी मंदिरामागील परिसरातील तिचा मृतदेह आढळून आला आहे.

बाळापूर येथील मूळ निवासी असलेले कुटूंब आपल्या परिवारासह एका लग्नानिमित्त चिखली परिसरात आले होते. दरम्यान शुक्रवारी सकाळी 11 वाजेपासून ती हरवली होती. तिचा शोध युद्ध पातळीवर सुरू होता. बुलढाणा जिल्हा पोलीस प्रशासनासह अनेक सामाजिक कार्यकर्त्यांनी ठिकठिकाणी तिचा शोध घ्यायला सुरुवात केली होती.

आज दुपारी तीन वाजेच्या दरम्यान तपोवन देवीच्या मंदिर परिसरातील मागील भागात तिचा मृतदेह आढळून आला. चिमुकलीचा चेहरा पूर्णपणे ठेचण्यात आलेला दिसत होता. अंगावरचे सर्व कपडे व्यवस्थित असल्याचे पोलिसांनी सांगितले. (Breaking News)

मंदिराच्या मागील परिसर डोंगराळ असून 500 मीटर अंतरावर हा मृतदेह सापडला. शनिवारी दुपारी जवळपास दोनशे ते अडीचशे लोकांनी संपूर्ण मंदिर परिसराचा शोध घेण्यास सुरुवात केली, तेव्हा चिमुकलीचा मृतदेह आढळून आला. तिची हत्या कोणी आणि का केली हे अद्याप कळू शकले नाही. या संपूर्ण घटनेमुळे संपूर्ण गाव स्तब्ध झाले आहे. पुढील तपास पोलीस करीत आहेत. (Latest Marathi News)