दीपक क्षीरसागर

लातूर: तालुक्यातील गातेगाव पोलीस स्टेशन अंतर्गत कासार जवळा या गावातील नागनाथ आश्रुबा सुडके आणि वैजनाथ आश्रुबा सुडके या दोन भावांमध्ये प्रधानमंत्री किसान योजनेअंतर्गत दोन हजार रुपये हप्त्याची रक्कम पत्नीला दिली. या कारणावरून दोन सख्ख्या भावंडात कडाक्याचं भांडण झालं. या भांडणांमध्ये आरोपी नागनाथ सुडके यांनी त्याचा भाऊ वैजनाथ सुडके यांचा डोक्यामध्ये काठीने वार केला त्यामध्ये वैजनाथ सुडके हा गंभीर जखमी झाला.

हे देखील पहा-

त्याला उपचारासाठी लातूरच्या Latur शासकीय रुग्णालयामध्ये दाखल केले असता, उपचारादरम्यान त्याचा मृत्यू झाला. मयताच्या मामाच्या फिर्यादीवरून गातेगाव पोलीस स्टेशनमध्ये गुन्हा दाखल करण्यात आला. गुन्हा दाखल झाल्यापासून बारा तासाच्या आत गातेगाव पोलीस स्टेशनचे पोलीस निरीक्षक विलास नवले यांनी दोन पथके आरोपीच्या शोधात पाठवली.

पोलीस निरीक्षक विलास नवले आणि पोलीस उप निरीक्षक नंदकिशोर कांबळे आणि त्यांच्या पथकाने आरोपीच्या मुसक्या आवळल्या. या घटनेचा पुढील तपास पोलीस उपनिरीक्षक नंदकिशोर कांबळे हे करीत आहे.

Edited By-Sanika Gade