Sanjay Raut News Saam TV
महाराष्ट्र

Sanjay Raut News: मणिपूरमध्ये मोदींच्या 'मन की बात'ला विरोध, लोकांनी रेडिओ फोडले; राऊंतांनी VIDEO ट्वीट करत डिवचलं

Boycott Mann ki Baat: घटनेचा व्हिडिओ सोशल मीडियावर व्हायरल होत असून शिवसेना (ठाकरे गट) खासदार संजय राऊत यांनी हा व्हिडिओ ट्वीट केला आहे.

Ruchika Jadhav

Manipur Clashes: गेल्या ९ वर्षांपासून पंतप्रधान नरेंद्र मोदी 'मन की बात' या आकाशवाणीवरील कार्यक्रमातून जनेतशी संवाद साधत आहेत. अशात मणिपूरमध्ये त्यांच्या या कार्यक्रमाचा रेडिओ फोडून निषेध व्यक्त करण्यात आला आहे. सदर घटनेचा व्हिडिओ सोशल मीडियावर व्हायरल होत असून शिवसेना (ठाकरे गट) खासदार संजय राऊत यांनी हा व्हिडिओ ट्वीट केला आहे. (Latest Marathi News)

मणिपूरची राजधानी इंफाळमध्ये ही तोडफोड करण्यात आली आहे. रविवारी इंफाळ पश्चिम जिल्ह्यांतर्गत इंडो-बर्मा रोड येथे नागरिकांनी एकत्र येत पंतप्रधान मोदी यांच्या मन की बात कार्यक्रमाचा निषेध केला. रस्त्यावर उतरुण नागरिकांनी रेडिओ फोडत घोषणाबाजी केली. मणिपूर हिंसाचारावर पंतप्रधान नरेंद्र मोदी अद्यापही मौन बाळगून आहेत. त्यामुळे नागरिकांनी आपल्या मनातील राग व्यक्त करत काल आंदोलन केलं आहे.

देवेंद्र जी, हे खरे आहे.....?

मणिपूरमध्ये मन की बातचा विरोध करत रेडिओ फोडण्यात आल्याचा व्हिडिओ व्हायरल झाला आहे. हा व्हिडिओ संजय राऊतांनी आपल्या ट्वीटर अकाउंटवर पोस्ट केला आहे. तसेच देवेंद्र जी, हे खरे आहे.....? असा सवाल त्यांनी विचारला आहे.

राऊतांनी ट्वीट केलेला हा व्हिडिओ अॅड. आनंद दास यांनी ट्विटरवर पोस्ट केला आहे. या व्हिडिओला कॅप्शनमध्ये लिहिलं आहे की. "मणिपूरच्या जनतेने नरेंद्र मोदींच्या "मन की बात" चं स्वागत खूपच वेगळ्या पद्धतीने केल आहे. आपण नक्की पहा. यातून एकच सिद्ध होतंय की देशाला मन की बात करणारा नाही तर जन की बात करणाऱ्या "राहुल गांधी" ची गरज आहे."

दरम्यान, मणिपूरमध्ये (Manipur) मैती समाजाने अनुसूचित जमातीचा (एसटी) दर्जा देण्याची मागणी केली. याच्या निषेधार्थ 3 मे रोजी इंफाळ खोऱ्यात आदिवासी समाजाने मोर्चा काढला होता. यानंतर मेईतेई आणि कुकी समुदायांमध्ये हिंसाचार झाला. या हिंसाचारात अनेकांचा मृत्यू झाला. विविध ठिकाणी रास्तारोको आंदोलन करण्यात आले. त्याचसोबत जाळपोळ देखील करण्यात आली. हिंसाचार आणखीन भडकत चालला असून वातावरण चिघळलं आहे. असे असूनही मोदींनी यावर मौन बाळगल्यानं नागरिकांनी निषेध व्यक्त केला आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Shocking: बॉयफ्रेंडसोबत पळून जाण्यासाठी चोरी, घरफोडीचा बनाव रचला; मुलीच्या प्रियकरासोबतही..., महिलेने केलं भयंकर कांड

Shirdi : बॅनर फाडल्याच्या प्रकरणात मोठा ट्विस्ट; फिर्याद देणाऱ्याचा कारनामा उघड, चारजण ताब्यात

Trambkeshwar Temple : कालसर्प पूजा ॲपच्या आडून भाविकांची लूट | VIDEO

Maharashtra Live News Update : पुण्यात राष्ट्रवादी काँग्रेस शरदचंद्र पवार पक्षाचे जनआंदोलन

Post Office Bharti: पोस्ट ऑफिसमध्ये नोकरी करण्याची सुवर्णसंधी; या पदांसाठी भरती सुरु; अर्ज कसा करावा?

SCROLL FOR NEXT