समाधानकारक पाऊस पडला... त्यामुळे अकोला जिल्ह्यातील पातुरच्या शेतकऱ्याने कर्ज काढून 'सारस 335' या कंपनीचं सोयाबीन आणि तुरीचं बियाणं खरेदी केलं...त्याची पेरणी केली... मात्र पंधरवडा उलटला तरी सोयाबीन आणि तुरीचं बियाणं उगवलंच नाही...याच बोगस बियाण्यामुळे शेतकऱ्यांसमोर दुबार पेरणीचं संकट उभं ठा

बोगस बियाण्यामुळे शेतकरी उद्ध्वस्त होण्याच्या उंबरठ्यावर आहे... कारण शेतकऱ्याने पेरणीसाठी सावकाराकडून पैशांची जुळवाजुळव केल्याचं समोर आलंय...साम टीव्हीने शेतकऱ्यांची कैफीयत महाराष्ट्रासमोर मांडल्यानंतर प्रशासनाला जाग आली. कृषी विभागाच्या अधिकाऱ्यांनी थेट शेतकऱ्याच्या बांधावर धाव घेत पंचनामा सुरु केलाय...

एकीकडे आसमानी संकटं पाठ सोडत नाहीत.. तर दुसरीकडे कंपनीने सुलतानी पद्धतीने बोगस बियाणं शेतकऱ्यांच्या माथी मारलंय. फक्त अकोला जिल्हाच नाही तर धाराशिवसह राज्यभरात अनेक ठिकाणी कंपन्यांकडून बोगस बियाण्यांद्वारे शेतकऱ्यांना गंडा घातल्याच्या घटना समोर आल्या आहेत. त्यामुळे आता शेतकऱ्यांना फसवणाऱ्या बोगस कंपन्यांवर कठोर कारवाई करण्याची गरज आहे... अन्यथा बळीराजा कर्जाच्या दुष्टचक्रात अडकून उध्वस्त होऊ शकतो....