कोल्हापूर: कोल्हापूर उत्तर पोटनिवडणुकीत भाजपने आघाडी घेतली आहे. या निवडणुकीला आम्ही विकासाच्या दिशेने घेऊन जात आहोत. महाविकास आघाडी सरकारने ही निवडणूक वैयक्तिक पातळीवर नेण्याचा प्रयत्न करत आहे. पेटीएमच्या (Paytm) माध्यमातून पैसे वाटण्याचा प्रयत्न करत आहेत. 1 हजार रुपये जरी अशा पद्धतीने वाटले तर ईडीची (ED) कारवाई होईल, नागरिकांना आवाहन करतो की एक हजारासाठी नको ते शुक्लकाष्ठ मागे लावून घेऊ नका. आजच याबाबत ईडीकडे तक्रार केली जाणार आहे. सरकारी अधिकाऱ्यांचा वापर निवडणुकीसाठी केला जातो, हे आम्ही सहन करणार नाही.

हे देखील पहा-

राज ठाकरे साहेब यांची प्रतिक्रिया म्हणजे सर्वसामान्य हिंदू नागरिकाची भूमिका होय. हिंदूंना हिंदू म्हणून घेताना कमी वाटते. हिंदू धर्मामध्येच सर्वधर्मसमभाव आहे. राज ठाकरेसाहेब यांचे भाषण एकूण काल बाळासाहेब ठाकरे यांची आठवण आली. आमच्याबरोबर आणखी कुणी तरी महाविकास आघाडी सरकारवर बोलत आहेत हे काल दिसले. जातीय तेढ वाढण्याच्या भीतीनं हिंदू दाबला गेला. सगळा विचार केवळ हिंदूंनी केला पाहिजे का? हा देश हिंदूंचा आहे. याठिकाणी नंतर मुस्लिम आले, पण सगळ्यांनी गुण्यागोविंदाने राहिले पाहिजे, असे यावेळी चंद्रकांत पाटील म्हणाले आहेत.

हिंदूंनी कधी दुसऱ्या देशात जाऊन आक्रमण केले का? मुस्लिमांनी सगळीकडे आक्रमण केले. मुस्लिमांनी मूर्ती आणि महिलांना भ्रष्ट केले आहे. राज ठाकरे यांनी शरद पवार यांच्या बाबत केलेल्या वक्तव्यावर मी 200 टक्के सहमत आहे. 1 जानेवारीला कोरेगाव भीमा सगळं झाल्यानंतर लगेच दुसऱ्या दिवशी प्रतिक्रिया दिली. प्रत्येक विषयाला ब्राम्हण आणि इतर यांच्यात वाद लावण्याचा प्रयत्न केला जात आहे. विखे- पाटील किंवा थोरात कुटुंबाने जातीचे राजकारण केले नाही. माझ्यावर टीका करण्याचं कारण म्हणजे सर्वसामान्य घरातील मुलगा मोठा होतो हे त्यांना सहन होत नाही. सतेज पाटील, हसन मुश्रीफ तोंडात सोन्याचा चमचा घेऊन जन्माला आले आहेत. राष्ट्रवादी काँग्रेस पक्षाचे शरद पवार हे एकटे कार्यकर्ते आहे बाकी सगळे नेते आहे. पवार साहेब या वयात देखील संपूर्ण राज्यभर फिरतात हा चांगला गुण त्यांच्याकडून घ्यायला पाहिजे.

Edited By- Digambar Jadhav