धाराशिव जिल्ह्यात किराणा दुकानात आणि टपऱ्यांवर इंधनाचा काळाबाजार होत असल्याची चर्चा गेल्या काही दिवसांपासून सुरु होती... त्याचाच रिअलॅटी चेक करण्यासाठी साम टिव्ही गावातील एका किराणा दुकानात पोहचलं.....आणि त्याचवेळी समोर आला नफेखोरीचं गोरखधंदा...

साम टीव्हीच्या या स्टिंग ऑपरेशननं प्रशासकीय यंत्रणांचे डोळे उघडले....पेट्रोल पंपावर अधिकृत दर 113 रुपये प्रति लिटर असताना, या अवैध बाजारात मात्र 130 रुपये लिटर दरानं पेट्रोलची सर्रास विक्री सुरू आहे. म्हणजेच एका लिटरमागे तब्बल 17 रुपयांची थेट लूट केली जातेय..मात्र या काळ्याबाजाराला रोखण्यासाठी जिल्हा पुरवठा विभागाची यंत्रणा पूर्णपणे अपयशी ठरलीय.

पुरवठा विभागाच्या वतीने कागदावर पथके नियुक्त केल्याचा दावा केला जातोय, मात्र प्रत्यक्षात या पथकांची कारवाई शून्य असल्याचं दिसतयं... साम टिव्हीच्या स्टिंग ऑपरेशनमधून ही नफेखोरी उघड झाल्यावर जिल्हा पुरवठा अधिकाऱ्यांनी कारवाईचं आश्वासन दिलंय.

पुरवठा विभागाने आता कारवाईचं आश्वासन दिलं असलं, तरी साम टीव्हीच्या स्टिंग ऑपरेशननं प्रशासनाचा ढिसाळ कारभार चव्हाट्यावर आणलाय. ज्वलनशील पदार्थाचा असा छुप्या पद्धतीने साठा करणं म्हणजे एका मोठ्या अपघाताला आमंत्रण देण्यासारखं आहे, पण पैशाच्या हव्यासापोटी नियमांची सर्रास पायमल्ली होतेय...

मात्र पेट्रोल पंपांवर तुटवडा असतानाकाळ्या बाजारात इंधन पोहचतच कसं? याची पाळंमुळं शोधायला हवीत..हा प्रकार फक्त एका गावापुरता मर्यादीत नाही...तर इंधनाचा हा गोरखधंदा अनेक ठिकाणी सुरु असल्याचा संशय आहे... त्यामुळे साम टीव्हीच्या या इनेव्हेस्टिगेशननंतर जिल्हा प्रशासन झोपेतून जागं होणार की नफेखोरांना अभय देणार?