माधव सावरगावे

औरंगाबाद: सध्या पाण्यावरून भाजप आणि शिवसेनेत जोरदार शाब्दिक वॉर सुरू आहे. त्यात आता भाजपने लावलेल्या एका दराऱ्याच्या होर्डिंग्जची शहरात जोरदार चर्चा सुरू आहे. दरारा काय असतो हे दाखवून दिलंय, असं भाजप (BJP) आणि शिवसेनेचे (Shivsena) नेते एकमेकांना सांगतायत.

23 मे रोजी देवेंद्र फडणवीस (Devendra Fadnavis) यांच्या नेतृत्वाखाली औरंगाबादमध्ये (Aurangabad) पाणी प्रश्नावरून मोर्चा निघणार आहे. या मोर्चासाठी भाजपकडून रस्त्यावर बॅनर, होल्डिंग आणि सोशल मीडियावर पोस्टर, व्हिडीओज अपलोड केले जातायत. त्यात शिवसेनेचे आमदार अंबादास दानवे (Ambadas Danve) यांच्या कार्यालयासमोर क्रांती चौकात भाजपने एक होर्डिंग लावले, त्या होल्डिंगमध्ये 'दरारा असा असतो; साहेब येणार म्हणल्यानंतर पाणीपट्टी 50 टक्क्यांवर' असा मजकूर लिहिण्यात आला होता.

हे देखी पाहा-

मात्र, काही तासातच तिथून होर्डिंगस काढण्यात आले. त्यावर शिवसेना आमदार अंबादास दानवे यांनी दरारा कोणाचा कसा असतो, हे कळलं, असा भाजपला टोला लगावला. तर इथं केवळ शिवसेनेचा दरारा असतो अशी प्रतिक्रिया मंत्री संदिपान भुमरे (Sandipan Bhumare) यांनी दिली.