सांगली लाेकसभा मतदारसंघात भाजपने पक्षविरोधी कारवाया करत असल्याचा ठपका ठेवत जत तालुका भाजप अध्यक्ष प्रमोद सावंत यांच्यावर निलंबनाची कारवाई केली आहे. त्याबाबतचे पत्र साम टीव्हीची हाती लागले आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
जत तालुका भाजप अध्यक्ष प्रमोद सावंत हे काँग्रेसचे बंडखोर अपक्ष उमेदवार विशाल पाटील (vishal patil sangli) यांचा प्रचार करत असल्याचा ठपका त्यांच्यावर ठेवण्यात आला आहे. भाजप जिल्हाध्यक्ष निशिकांत पाटील यांच्यापर्यंत सावंत यांच्या तक्रारी गेल्या. त्यानंतर पाटील यांनी सावंत यांच्यावर निलंबनाची कारवाई केली.
भाजप नगरसेवक , नेत्यांचा विशाल पाटलांच्या प्रचारामध्ये वाढत्या सहभागामुळे भाजपची वाढली डोकेदुखी वाढल्याचे बाेलले जात आहे. दरम्यान या कारवाईवर बाेलताना प्रमाेद सावंत आक्रमक झाल्याचे पाहयला मिळाले.
(Maharashtra Lok Sabha Election News in Marathi)
साम टीव्हीशी बाेलताना त्यांनी भाजपच्या वेगवेगवेगळ्या मोर्चाचे अध्यक्ष व पदाधिकारी सामुदायिक राजीनामा देणार आहेत असे सांगितले. आधी माजीआमदार, त्यानंतर चार नगरसेवक आणि आता तालुका अध्यक्ष संजयकाका पाटलांच्या विरोधात मैदानात उतरल्याचे चित्र मतदारसंघात आहे.
Edited By : Siddharth Latkar
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.