Kolhapur News : कोल्हापुरात (Kolhapur) लव्ह जिहादवरून वातावरण चांगलचं तापलं आहे. १३ वर्षीय अल्पवयीन मुलगी गेल्या काही दिवसांपासून बेपत्ता असल्याने यामागे लव्ह जिहाद असल्याचा आरोप हिंदुत्ववादी संघटनांनी केला आहे. आज भाजप नेते नितेश राणे (Nitesh Rane) यांनी कोल्हापुरात येऊन लव्ह जिहादविरोधात हिंदू जनआक्रोश मोर्चा देखील काढला. (Kolhapur Love Jihad News)

यावेळी हिंदुत्ववादी संघटनेचे कार्यकर्ते नितेश राणे यांच्या विरोधात मोठ्या संख्येने जुना राजवाडा पोलीस स्टेशन समोर जमा झाले आहे. यावेळी आमदार नितेश राणे प्रचंड आक्रमक झाले होते. मुस्लिमांना आंदोलन करण्याची वेळ आली अशी एक घटना दाखवा. त्यांच्या कोणत्याही व्यक्तिकडे किंवा धर्माकडे वाकड्या नजरेने पाहिलं तर ते त्याला जिवंत ठेवत नाही. अशी असंख्या उदाहरणं मी तुम्हाला देऊ शकतो, असं नितेश राणे म्हणाले.

आज राज्यात हिंदुत्वाच्या विचाराचं सरकार आहे. आज राज्याचा अल्पसंख्याकमंत्री नवाब मलिक नाही, हसन मुश्रीफ मंत्री नाही, उद्धव ठाकरे मुख्यमंत्री नाही. हिंदू म्हणून वाकड्या नजरेने पाहिलं तर त्याचा सत्कार व्हायला हे मविआ सरकार नाही, असा इशाराही आमदार नितेश राणे यांनी दिला आहे. (Nitesh Rane News Today)

काय आहे प्रकरण?

कोल्हापूर शहरातील जुना राजवाडा परिसरात राहणाऱ्या एका मुलाने १३ वर्षीय अल्पवयीन मुलाला पळवून नेल्याचा आरोप केला जात आहे. या प्रकरणी पोलिसांनी सदरील मुलाविरोधात गुन्हा नोंदविला आहे. अल्पवयीन मुलगी बेपत्ता झाल्याच्या घटनेला १६ दिवस उलटले आहेत. मात्र तिचा अद्याप शोध लागलेला नाही.

दरम्यान, मुलीचे नातेवाई आक्रमक झाल्यानंतर पोलिसांना सदर प्रकरणात दोन दिवसात कारवाई करण्याचं आश्वासन दिलं आहे. आम्हाला न्याय द्या, अन्यथा राज्यभरात सर्वत्र आंदोलन करू, असा इशाराही मुलीच्या नातेवाईकांनी दिला आहे. हे लव्ह जिहादचं प्रकरण असल्याचा संशय व्यक्त केला जात आहे. या घटनेच्या निषेधार्थ हिंदुत्ववादी संघटना आज कोल्हापुरात जन आक्रोश आंदोलन करत आहेत.

Edited By - Satish Daud