बुलडाणा : . भाजपा आमदार श्वेता महाले यांच्या चुलत भावाने मनसे कार्यकर्त्याला (MNS Activist) रॉडने जबर मारहाण करतानाचा व्हिडीओ सोशल मीडियावर (Social Media) वायरल झाल्याने चिखली शहरात एकच खळबळ उडाली आहे.

भाजपा आमदार श्वेता महाले (BJP MLA Shweta Mahale) यांच्या विषयी मनसे कार्यकर्ता विजय खरपास याने सोशल मीडियावर कमळीबाई असा उल्लेख केल्याने भाजपा आमदार श्वेता महाले यांचे भाऊ शिवराज महाले पाटील यांनी एका ठिकाणी बोलावून विजय खरपास ला बेदम मारहाण केल्याच्या घटनेनं चिखली शहरात चर्चेला उधाण आलं आहे.

या मारहाणीचा CCTV व्हिडीओ सोशल मीडियावर व्हायरल झाला , पोलिसांनी शिवराज पाटील व त्यांचे तीन ते चार सहकाऱ्यांविरोधात भादवी 307 नुसार चिखली पोलिसात गुन्हे दाखल करण्यात आले असून जखमी विजय खरपासला औरंगाबाद (Aurangabad) येथील रुग्णालयात उपचासाठी भरती करण्यात आलं आहे.

Edited By - Jagdish Patil