- कैलास चाैधरी

Dharashiv : महाराष्ट्र राज्य विद्युत वितरण कंपनीच्या (maharashtra rajya vidyut vitaran company) अधिकाऱ्याला मारहाण केल्याप्रकरणी धाराशिव शहर पोलिस ठाण्यात (dharashiv city police station) भाजप नेता, त्याच्या मुलासह अन्य दहा जणांवर गुन्हा दाखल झाला आहे. दरम्यान या मारहाणीचा महाराष्ट्र राज्य विद्युत वितरण कंपनीच्या कर्मचा-यांनी निषेध नाेंदविला आहे. (Maharashtra News)

अतिरिक्त कार्यकारी अभियंता रविंद्र पवार (वय ५२) यांनी दिलेल्या तक्रारीनूसार पाेलिसांनी सुधीर पाटील (bjp leader sudhir patil), अभिराम सुधीर पाटील यांच्या अन्य दहा जणांवर शासकीय कामात अडथळा निर्माण केल्या प्रकरणी गुन्हा दाखल केला आहे.

महाराष्ट्र राज्य विद्युत वितरण कंपनीचे (mseb) अतिरिक्त कार्यकारी अभियंता रवींद्र पवार हे त्यांचे कार्यालयीन कामकाज करत असताना सुधीर पाटील आणि त्यांचा मुलगा अभिराम यांनी पवार यांना बेदम मारहाण केल्याचे तक्रारीत म्हटलं आहे. तसेच पवार यांना जिवे मारण्याची धमकी दिल्याचे ही त्यांनी नमूद केले आहे. त्यानूसार पाटील यांच्यासह दहा जणांवर (कलम 353, 332,504,506, 143,147,149) गुन्हा नोंदविण्यात आला असल्याची माहिती पाेलिसांनी दिली.

Edited By : Siddharth Latkar