अमर घटारे

Bacchu Kadu News : माजी मंत्री व आमदार बच्चू कडू यांनी सार्वजनिक ठिकाणी तलवारीने केक कापल्यामुळे नव्या वादाला तोंड फुटलं आहे . बच्चू कडू यांनी वाढदिवसानिमित्त तलवारीने केक कापून वाढदिवस साजरा केला. बच्चू कडू यांचा हा केक कापतानाचा व्हिडिओ सोशल व्हायरल झाला आहे. बच्चू कडू यांनी सार्वजनिक ठिकाणी विनापरवाना धारधार शस्त्र वापरल्याचा आरोप भाजप नेत्याकडून करण्यात येत आहे. यामुळे बच्चू कडू यांच्यावर कारवाईची मागणी केली जात आहे. (Latest Marathi News)

मिळालेल्या माहितीनुसार, माजी मंत्री , आमदार बच्चू कडू (Bacchu Kadu) यांनी सार्वजनिक ठिकाणी तलवारीने केक कापला आहे. केक कापतानाचा बच्चू कडू यांचा व्हिडिओ सोशल मीडियावर व्हायरल व्हायरल झाला आहे. सार्वजनिक ठिकाणी विनापरवाना बच्चू कडू यांनी धारधार शस्त्र वापरल्याचा आरोप करण्यात येत आहे. यामुळे भाजप नेते माजी नगरसेवक गोपाल तिरमारे यांनी बच्चू कडू यांच्या विरोधात आक्रमक भूमिका घेतली आहे. माजी नगरसेवक गोपाल तिरमारे यांनी बच्चू कडू यांच्यावर थेट कारवाईची मागणी केली आहे.

बच्चू कडू यांच्यावर कायदेशीर कारवाईसाठी गोपाल तिरमारे यांनी जिल्हा पोलीस अधीक्षकाकडे तक्रार केली आहे. त्यामुळे अमरावती (Amravati) जिल्ह्यात बच्चू कडू यांच्या अडचणी वाढण्याची शक्यता आहे. तिरमारे यांनी जिल्हा पोलीस अधीक्षकाकडे तक्रार केल्यानंतर पोलीस हे बच्चू कडू यांच्यावर कारवाई करणार का ? हे पाहावे लागणार आहे.