नाशिकमध्ये भाजपनं मोठी खेळी खेळत तीन पक्षातील चार उमेदवांराना एकाचवेळी पक्षप्रवेश देण्याचा डाव टाकला. मात्र ज्यावेळी हे पक्षप्रवेश सुरू होते त्याचवेळी बाहेर मात्र पक्षातल्या निष्ठावंतानी एकच राडा केला..पक्षप्रवेशावेळी शक्तीप्रदर्शन करणाऱ्या ठाकरे सेनेचे माजी महापौर विनायक पांडेंविरोधात आमदार देवयानी फरांदे समर्थकांनी घोषणाबाजी केली...एवढंच नाही तर या पक्षप्रवेशासाठी पुढाकार घेणाऱ्या मंत्री गिरीश महाजनांनाही पदाधिकाऱ्यांनी घेराव घातला... विरोधकांचा पक्षप्रवेश होत असेल, तर निष्ठावंतांनी नेमकं काय करायचं, असा सवालच पदाधिकाऱ्यांनी विचारला.

पक्षप्रवेशाआधी आमदार देवयानी फरांदेंनी पोस्ट शेअर करत... विनायक पांडेंच्या पक्षप्रवेशाला विरोध असल्याचं स्पष्ट केल होतं. एवढंच नव्हे तर फऱांदे आणि महाजन यांच्यात सकाळी एक बैठकही झाली होती.मात्र पक्षप्रवेशाला जाहीर विरोध करूनही पक्षप्रवेश झाल्यानं नाशिकमधील भाजपचे अंतर्गत वाद चव्हाट्यावर आले..

ठाकरेसेनेचे माजी महापौर विनायक पांडे, मनसेचे माजी महापौर यतिन वाघ, मनसे नेते दिनकर पाटील आणि काँग्रेस नेते शाहू खैरे यांनी भाजपमध्ये पक्षप्रवेश केलाय..या कार्यक्रमाला अनुपस्थित राहिलेल्या देवयांनी फरांदे यांनी पक्षप्रवेशाला आपला विऱोध कायम असल्याचं सांगत महाजनांवर मात्र आपण नाराज नसल्यांच स्पष्ट केलं.