नागपूर : नागपुरात भाजप (BJP) नगरसेवक विक्की कुकरेजा (Vicky Kukreja) यांच्या कार्यालयात तोडफोड झाल्यानंतर, काँग्रेस (Congress) आणि भाजपचे कार्यकर्ते आमने सामने आले आहेत. भाजप नगरसेवक विक्की कुकरेजा यांच्यावर गुन्हा दाखल करण्यात आला आहे.

“पालकमंत्री नितीन राऊत (Nitin Raut) व मंत्र्यांचा मुलगा कुणाल राऊत यांच्या दबावात पोलीस काम करत आहेत. काँग्रेसच्या गुंडांनी काल तोडफोड केली, महानगरपालिका निवडणुकीपूर्वी षड्यंत्र करुन अशाप्रकारे तोडफोड सुरु आहे.” असा आरोप भाजप नगरसेवक विक्की कुकरेजा यांनी केलाय.

पोलिसांनी काल तोडफोड करणाऱ्यांवर कारवाई केली नाही, तर उद्या भाजप ११ वाजता जरीपटका पोलीस स्टेशन बाहेर आंदोलन करणार. असा इशारा भाजपने दिलाय. सत्तेचा दुरुपयोग करणारे पालकमंत्री नितीन राऊत यांचा मुख्यमंत्र्यांनी राजिनामा घ्यावा” अशी मागणी कुकरेजा यांनी केलीय.

Edited By - Jagdish Patil