सोलापूर : ''तू आमच्या विरोधात गेलास तर तलवारीने तुकडे करिन आणि फेकून देईन,"अशी धमकी देत प्राणघातक हल्ला केल्याप्रकरणी भाजपचे नगरसेवक (BJP Corporator) सुनिल कामाठीसह सात जणांविरुद्ध सोलापुरातील (Solapur) जेलरोड पोलीस ठाण्यात गुन्हा दाखल करण्यात आला आहे.

संजय आडगाळे असे मारहाण झालेल्या इसमाचे नाव आहे. संजय आडगाळे आणि सुनिल कामठी हे मागच्या 20 वर्षांपासून एकत्र काम करत होते. मात्र, मागच्या कांही दिवसांपासून आडगाळेनी नगरसेवक कामठी सोबत काम करणे बंद केले, हाच राग मनात ठेऊन कामाठीने हा हल्ला केल्याचा आरोप आडगळेने केला आहे.

संजय आडगळे याच्यावर सध्या वैद्यकीय उपचार सुरु आहेत. तर भाजपचे नगरसेवक सुनिल कामठी यांचा शोध सोलापूर पोलीस घेत असल्याची माहिती पोलीस निरिक्षक बजरंग साळुंखे यांनी दिली आहे.

Edited By - Jagdish Patil