- संजय सूर्यवंशी

Naygoan Market Committee Election News : नांदेड जिल्ह्यातील नायगाव कृषी उत्पन्न बाजार समितीच्या संचालक मंडळाची निवडणुक बिनविराेध पार पडली. यंदा उमेदवारी अर्ज दाखल करण्यापासून ते अगदी उमेदवारांच्या अर्ज मागे घेण्याच्या शेवटच्या दिवसापर्यंत राजकीय पक्षांतील नेत्यांचा कस लागल्याचे दिसून आले. (Maharashtra News)

नांदेड जिल्ह्यात मागील अनेक महिन्यांपासून प्रशासकीय संचालक मंडळ असलेल्या नांदेडसह भोकर, नायगाव, कुंटूर आणि हिमायतनगर या पाच बाजार समित्यांचा निवडणूक कार्यक्रम जाहीर झाला. ही निवडणुक लागल्यापासून जिल्ह्यातील राजकीय वातावरण ढवळून निघाले हाेते.

नायगाव कृषी उत्पन्न बाजार समितीच्या निवडणुकीत ९० पेक्षा अधिक अर्ज दाखल झाले हाेते. या बाजार समितीच्या निवडणुकीसाठी २८ एप्रिलला मतदान हाेणार हाेते. तर २९ एप्रिलला निवडणूकीचा निकाल जाहीर होणार हाेता मात्र त्यापुर्वीच नायगाव कृषी उत्पन्न बाजार समितीत सर्व संचालक बिनविराेध निवडून आले आहेत.

या निवडणुकीत आमनेे सामने आलेल्या काँग्रेस आणि भाजपाच्या उमेदवरांनी अर्ज माघार घेण्याच्या दिवशी आपल्या तलवारी म्यान केल्याचे पाहयला मिळाले. काँग्रेसने 10 जागा तर भाजपाने 06 जागांवर तडजोडी करून ही निवडणूक बिनविरोध काढली आहे. या निवडणुकीत भाजपाने काँग्रेस सोबत हातमिळवणी केल्याची जिल्ह्यात जोरदार चर्चा सुरू झाली आहे.

Edited By : Siddharth Latkar