राजकारणात काहीही घडू शकतं... हे आम्ही म्हणतोय..कारण हिंदूत्ववादी भूमिका घेणाऱ्या भाजपनं सत्तेसाठी चक्क एमआयएमशी युती केल्याचं समोर आलंय.. हा फोटो नीट पाहा... आता अकोटनंतर भाजपनं अचलपूर नगरपरिषदेतही एमआयएमशी घरोबा केलाय... आणि त्यामागचं कारण आहे विषय समितीच्या सभापतीपदाची निवडणूक... सत्तेचं समीकरण जुळवण्यासाठी भाजपनं धक्कादायक रणनीती आखली..काय आहे ही रणनीती ..

अचलपूर नगरपरिषदेत नगराध्यक्षपदी भाजपच्या रुपाली माथने विजयी झाल्या.. तर नगरसेवकांमध्ये काँग्रेसचे 15, भाजपचे 9, एमआयएम 3, प्रहार- 2, राष्ट्रवादी काँग्रेसचे 2 आणि 10 अपक्षांचा विजय झाला.. त्यामुळे भाजपच्या सत्तेचं गणित बिघडलं.. आता सत्तेचं समीकरण जुळवण्यासाठी भाजपनं एमआयएमचे 3, अपक्ष आणि राष्ट्रवादीच्या नगरसेवकांना सोबत घेत महिला बालकल्याण समिती पदरात पाडून घेतली..

तर एमआयएमलाही शिक्षण आणि क्रीडा सभापतीपद देण्यात आलंय.. हे सगळं घडलं असताना भाजपचे स्थानिक आमदार प्रवीण तायडेंनी मात्र कानावर हात ठेवलेत.. विचारधारेशी तडजोड नाही... अशी वक्तव्य भाजप आणि एमआयएमचे नेते करत होते.. मात्र सत्तेपुढं विचारधारा क्षुल्लक असते हेच आजच्या युतीतून दिसून आलंय... त्यामुळे जनतेला नैतिकचे डोस पाजणाऱ्या आणि सत्तेचा मलिदा लाटण्यासाठी जनतेच्या मतांशी खेळ करणाऱ्यांना मतदारांनी आगामी निवडणुकीत धडा शिकवण्याची गरज आहे...