हैदराबाद गॅझेटियरविरोधात ओबीसी समाजाने वज्रमूठ आवळली असताना ओबीसी नेत्यांमध्ये नेतृत्वावरुन फूट पडलीय..... बीडच्या सभेत भुजबळांनी लाव रे तो व्हिडीओ म्हणत जरांगेंच्या मागणीला पाठींबा देणारा विजय वडेट्टीवारांचा व्हिडीओ दाखवून हल्लाबोल केलाय..

आता भुजबळांच्या टीकेनंतर वडेट्टीवारांनी भुजबळांचा उल्लेख थेट भाजपच्या फेक नॅरेटिव्हच्या फॅक्टरीतील नेता, असा केलाय.. एवढंच नाही नागपूरच्या मेळाव्याला मिळालेल्या प्रतिसादामुळेच भुजबळांना पुढं केलं जातंय, असा पलटवार वडेट्टीवारांनी केलाय... त्यावर वडेट्टीवारांच्या भुमिकेत सातत्य नाही... त्यामुळेच वडेट्टीवारांच्या भुमिकेला राजकीय वास येत असल्याची टीका भुजबळांनी केलीय.. विजय वडेट्टीवार आणि छगन भुजबळांमध्ये जुंपल्यानंतर आता या वादात बबनराव तायवाडेंनीही उडी घेत भुजबळांनी मनाचा मोठेपणा दाखवायला हवा होता, अशी भूमिका मांडलीय...

एका बाजूला ओबीसी नेतेच आपापसात भिडल्यानं जरांगेंच्या हाती आयतं कोलित मिळालंय.. त्यावरुन त्यांनी वडेट्टीवारांना जुन्या भूमिकेवर येण्याचं आवाहन केलंय..

खरंतर जरांगेंच्या आंदोलनानंतर मराठवाड्यात कुणबी नोंदी शोधण्यास सुरुवात झाली... आधी कुणबी नोंदींच्या शोधमोहिमेला विरोध करण्यासाठी 17 नोव्हेंबर 2023 ला भुजबळ आणि वडेट्टीवार एकाच व्यासपीठावर आले... त्यानंतर दोन्ही नेत्यांनी एकमेकांच्या मेळाव्यापासून अंतर राखलं...मात्र या दरम्यान दोन्ही नेत्यांनी एकमेकांवर टीका आणि भुमिकांवर शंका घेणं टाळलं होतं.. मात्र आता बीडच्या सभेतून भुजबळांनी वडेट्टीवारांवर टीका केल्यानं नेतृत्वासाठीचा हा संघर्ष आणखी तीव्र होण्याची शक्यता आहे.. या नेतृत्वासाठीच्या संघर्षामुळे आरक्षण वाचवण्यासाठी पोटाला चिमटा काढून रस्त्यावर उतरणाऱ्या गावगाड्यातील ओबीसी चळवळीचं दुरगामी नुकसान होणार हे मात्र निश्चित.