भिमाशंकर (पुणे) : भिमाशंकर परिसरातील भिवेगाव येथे शिकारीच्या हेतुने बिबट्याने शेतकऱ्यावर (Farmer) हल्ला करत ठार केल्याची धक्कादायक घटना रात्रीच्या सुमारास घडली. धक्कादायक बाब म्हणजे बिबट्याने (Leopard) ठार केलेल्या व्यक्तीच्या शरीराचे लचके तोडत गिळंकृत केले. (Maharashtra News)

भिवेगाव येथील डोंगरमाथ्यावर जनावरांच्या गोठ्यावर शेतकरी लक्ष्मण वनघरे बसले होते. या दरम्यान बिबट्याने पाठीमागुन हल्ला करत ठार केले. हा बिबट नरभक्षक झाल्याने नागरिकांमध्ये भितीचे वातावरण निर्माण झाले आहे.

वन विभागाकडून पंचनामा

भिमाशंकर परिसरात बिबट्याचे वास्तव्य आढळुन आल्याने वन विभागाचे कर्मचारी घटनास्थळी दाखल होऊन पंचनामा केला. शिवाय, बिबट्याला जेरबंद करण्यासाठी पाऊल उचलले जात आहे.