शुभम देशमुख 

भंडारा : रेल्वेतून प्रवास करताना काही सामान नेण्यास बंदी आहे. अशात पुरी- अहमदाबाद एक्सप्रेसमध्ये (Bhandara) दोन बॅगमध्ये गांजा लपवून नेणाऱ्या दोन तस्करास रेल्वे पोलिसांनी (Railway Police) अटक केली. त्यांच्या जवळून २ लक्ष ५१ हजार ५०० रुपयाचा गांजा जप्त करण्यात आला. (Tajya Batmya)

शाबीर अतिक हुसैन (वय २५, रा. गोमतीपुरा अहमदाबाद), मनिषा बहाद्दुरसिंह नेपाली (वय २०, चपरा अहमदाबाद) असे अटक झालेल्या आरोपीचे नावे आहेत. हे दोघे पुरी- अहमदाबाद (Railway) या रेल्वेत (गाडी क्र. १२८४३) मध्ये मोठ्या हुशारीने गांजाची तस्करी करत असल्याची गुप्त माहिती भंडारा रोड रेल्वे पोलिसांना मिळाली. स्टेशनमध्ये गाडी थांबताच पोलिसांनी प्रत्येक डब्यात प्रवेश करून गाडी तपासणीला सुरुवात केली. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

तपासणी दरम्यान गाडीच्या बी ३ डब्ब्यात सीट १४ नंबरच्या खाली दोन संशयित बॅग आढळल्या. त्या बाहेर काढून तपासणी करण्यात आली. त्यामधून गांजा आढळून आला. दोन्ही बॅग उघडल्या असता २ बॅगमध्ये ४ पैकेट ठेवण्यात आले होते. यात एकूण २५ किलो १५ ग्राम गांजा दिसून आला.  ज्याची बाजारभाव १० हजार प्रति किलो प्रमाणे २ लाख ५१ हजार ५०० रुपये आहे. कारवाई करीत जप्त केलेले साहित्य व नमुने गोंदिया रेल्वे पोलिसांना पाठविण्यात आले. आरोपीवर एनडीपीएस ऍक्ट अंतर्गत गुन्हा नोंद करण्यात आला आहे.